Европа
Орбан: Салвини е мој херој, а Макрон непријател

Унгарскиот премиер Виктор Орбан рече дека италијанскиот министер за внатрешни работи, Матео Салвини, е негов херој, а како свој главен противник во Европа го именува францускиот претседател Емануел Макрон.
„Тој е мој херој и мој сопатник“, рече Орбан во Милано пред средбата со Салвини. Тој истакна дека Салвини лесно би победил на избори во Унгарија, каде што, како што се пошегува Орбан, за среќа, нема да се кандидира.
Двајцата лидери, кои се приврзаници за построги прописи за прифаќање на мигрантите во Европа, ја потврдија согласноста од потребата за одбрана на границите.
„Нашата цел е да помогнеме таму каде што има проблем, а не да увезуваме проблеми. Унгарија е доказ дека мигрантите може да бидат запрени на копно“, вели Орбан, чија земја подигна боцкава жица по должината на границите со Србија и Хрватска. Додаде дека целта на Салвини е да осигури мигрантите да може да бидат запрени и на море.
Наспроти Салвини, Орбан како свој главен противник во Европа го именува францускиот претседател Емануел Макрон.
„Постојат два табора во Европа и едниот од нив го предводи Макрон. Тој е на чело на политички сили што ја поддржуваат имиграцијата. На другата страна сме ние што сакаме да ја запреме нелегалната миграција“, рече Орбан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Украинска пратеничка предупреди: „Ѓаволот е во деталите“

Украинската пратеничка Јулија Сирко предупреди во интервју за Скај њуз дека „ѓаволот е во деталите“ кога станува збор за можен мировен план меѓу Украина и Русија, објави Скај њуз.
„Кога разговарате со Русите и работите со Русите, мора да размислувате три чекори напред“, рече Сирко.
Клучни неодговорени прашања
Таа нагласи дека Украинците очекуваат одговори на клучните прашања, а безбедносните гаранции се на прво место. „Кој ќе ја финансира огромната количина оружје и војници што ни се потребни за да одржиме 2.000 км фронтова линија?“, праша таа.
Сирко објасни дека прашањето за безбедносните гаранции е сложено, а позиционирањето на сојузничките трупи игра клучна улога во тоа. Таа објасни дека ако европските сили се позиционираат на западната граница на Украина, „тоа ќе биде само логистика“ и претставува „сосема поинаква“ ситуација.
„Мора да бидете на фронтовската линија во сивата зона меѓу Русија и Украина, тоа е едно прашање“, истакна таа. „Ако војниците останат на западната граница, таму нема да имате никакви проблеми или закани, па тоа е друго прашање.“
Таа заклучи дека верува оти Русите нема да го прекршат договорот доколку европските армии се подготвени да останат на фронтовската линија. „Ако европските армии ќе можат да издржат на бојното поле и ќе бидат подготвени да останат… не мислам дека Русите ќе го прекршат тоа.“
Европа
(Видео) Додека се одржуваа состаноци во Вашингтон, нападите продолжија

Руските сили извршија напади со беспилотни летала и ракети врз централна и јужна Украина, додека украинскиот претседател Володимир Зеленски беше на средба со американскиот претседател Доналд Трамп и европските лидери во Вашингтон, објави германската новинска агенција дпа.
Според украинските воздухопловни сили и воените набљудувачи, нападите биле насочени кон централниот украински регион Полтава, особено кон индустрискиот град Кременчук.
Десетици беспилотни летала и најмалку две балистички ракети биле испукани кон регионот.
Балистичката ракета наводно погодила цел во јужниот украински регион Одеса.
Деталите за штетата или жртвите остануваат нејасни.
Руските медиуми, повикувајќи се на гувернерот на Волгоград, Андреј Бочаров, објавија дека остатоците од беспилотните летала предизвикале пожари во рафинерија за нафта и оштетиле болница, но нема пријавени повредени.
Летовите на аеродромот во Волгоград се привремено прекинати.
Украина се брани од руска инвазија речиси три и пол години.
фото: принтскрин
Европа
Лидерите на ЕУ денес ќе одржат видео-конференција за разговорите во Вашингтон

Лидерите на Европската унија денес ќе одржат видео-конференција за да ги разгледаат резултатите од разговорите во Вашингтон. Средбата е закажана за 13 часот, потврди претседателот на Европскиот совет, Антонио Коста.
На видео-конференцијата ќе учествуваат сите членови на Европскиот совет, највисокото политичко тело на ЕУ, и ќе се фокусира на координирање на следните чекори по разговорите во Вашингтон.
I have convened a video conference of the members of the European Council for tomorrow at 13.00 CEST, for a debriefing of today’s meetings in Washington DC about Ukraine.
Together with the US, the EU will continue working towards a lasting peace that safeguards Ukraine’s and…— António Costa (@eucopresident) August 18, 2025
Пред состанокот, Коста ја нагласи важноста на соработката со Соединетите Американски Држави на социјалната мрежа Икс.
„Заедно со Соединетите Американски Држави, ЕУ ќе продолжи да работи кон траен мир што ги штити виталните безбедносни интереси на Украина и Европа“, напиша Коста.
фото: принтскрин