Спорт
ЛШ: „Луда“ минута и чудесен пресврт на Звезда за пласман во ЛШ (видео)
Српскиот шампион, Црвена звезда успеа да се пласира во групната фаза на Лигата на шампионите првпат од воведувањето на овој формат на натпреварување откако успеа да направи чудесен пресврт во Салцбург и да извлече 2:2 реми, кое беше доволно по ремито б…
Српскиот шампион, Црвена звезда успеа да се пласира во групната фаза на Лигата на шампионите првпат од воведувањето на овој формат на натпреварување откако успеа да направи чудесен пресврт во Салцбург и да извлече 2:2 реми, кое беше доволно по ремито без голови во Белград.
На Црвена звезда и се приклучија и Бенфика и ПСВ Ајндховен со убедливи победи во вторите мечеви од баражот за да ги комплетираат сите 32 клубови кои оваа година ќе играат елитен европски фудбал и ќе делат од богатиот „колач“.
Звезда имаше неочекувано голема поддршка на „Ред бул арената“ од над 9.000 навивачи, но тоа не ги спречи домаќините бргу да стигнат до позитивен резултат. Моанес Дабур во 45. минута ја искористи грешката на Савиќ за да донесе водство, а ситуацијата изгледаше безилзезна за Звезда кога во 48. минута тој го постигна вториот гол (овојпат од пенал) за 2:0 водство на австрискиот шампион, кој ја елиминираше Шкендија во претходното коло.
Меѓутоа, „црвено-белите“ не се предадоа и на сцена стапи Бен! Во 65. минута, по нафрлање на Дегенек, Французинот беше сам пред голот и не згреши, а само 60 секунди подоцна, повторно комбинација Дегенек-Бен за шок на домашните навивачи.
За Звезда ова, секако, е најголемиот успех во европските натпреварувања по сезоната 1991/92, кога како актуелни европски шампиони испаднаа во натпреварите по групи во Купот на шампиони.
ЛИГА НА ШАМПИОНИ, БАРАЖ, 2.НАТПРЕВАР
ПАОК (Грц) – Бенфика (Пор) 1:4, прв натпревар 1:1, вкупно 2:5
ПСВ Ајндховен (Хол) – БАТЕ Борисов (Блр) 3:0, прв натпревар 3:2, вкупно 5:2
Салцбург (Авт) – Црвена звезда (Срб) 2:2, прв натпревар 0:0, вкупно 2:2, Звезда оди понатаму поради гол во гости.
УЧЕСНИЦИ ВО ЛИГА НА ШАМПИОНИ 2018/19
Реал Мадрид (Шпа), Атлетико Мадрид (Шпа), Барселона (Шпа), Валенсија (Шпа)
Баерн Минхен (Гер), Борусија Дортмунд (Гер), Шалке (Гер), Хофенхајм (Гер)
Манчестер сити (Анг), Манчестер јунајтед (Анг), Ливерпул (Анг), Тотенхем (Анг)
Јувентус Торино (Ита), Наполи (Ита), Интер (Ита), Рома (Ита)
Пари Сен-Жермен (Фра), Монако (Фра), Лион (Фра)
Порто (Пор), Бенфика Лисабон (Пор)
Локомотив Москва (Рус), ЦСКА Москва (Рус)
Ајакс Амстердам (Хол), ПСВ Ајндховен (Хол)
Шахтјор Доњецк (Укр), АЕК Атина (Грц), Јанг Бојс Берн (Шва), Викторија Плзен (Чеш)
Клуб Бриж (Бел), Галатасарај Истанбул (Тур), Црвена звезда Белград (Срб)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.