Европа
(Видео) Осуммина повредени во експлозија во рафинерија за нафта во Германија
Најмалку осум луѓе се повредени во експлозија и пожар кој зафати рафинерија за нафта во јужна Германија. Речиси 2000 луѓе се евакуирани поради големиот пожар.Експлозијата се случила утрината во 5.30 минути во секторот за производство на течен гас и бензин во погонот на компанијата Бајерноил на Дунав. Полицијата информираше дека меѓу повредените има три лица со сериозни повреди кои се префрлени во болница. Наредена е масовна евакуација.
#Ingolstadt Irsching Knall pic.twitter.com/iCs85nP6JB
— Silverpearl (@MarkTheil) September 1, 2018
Околу 1800 жители на местата Фобург и Иршинг, кои се наоѓаат на 15 километри од градот Инголштад во германската покраина Баварија, се евекуирани поради безбедносни причини. Полицијата соопшти дека гаснењето на пожарот продолжува и оти постои ризик од нови експлозии. Во операцијата се вклучени околу 200 пожарникари.
Според локалните медиуми експлозијата се почувствувала во радиус од повеќе километри. Снимките на социјалните мрежи покажуваат како пламен се крева во височина од рафинеријата.
Властите препорачаа во круг од 20 километри да не се отвораат прозорците поради густиот чад.
Локалната компанија Бајерноил е сопственик на рафинеријата Фобург. Компанијата вработува околу 790 луѓе на две локации во Баварија и произведува горива, меѓу нив бензин и дизел, со капацитет на преработка на сурова нафта од 10,3 милиони тони годишно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.