Свет
Норвешкaта полиција го истражува чудното исчезнување на соработникот на Џулијан Асанж
Викендов на профилот на „Твитер“ на Викиликс беше објавено дека експертот за сајбер-безбедност Арјен Камхуис исчезнал на 20 август, два дена пред да замине на планираното патување во Амстердам, пренесува „Спутник“. Ова се случува во екот на загриженоста за безбедноста на основачот на Викиликс, Џулијан Асанж, кој ќе го заврши својот шестгодишен самонаметнат егзил во Амбасадата на Еквадор во Лондон.
Норвешката полиција отвори истрага за исчезнувањето на соработникот на Асанж, кој последен пат бил виден во северниот норвешки град Бодо на 20 август. Портпаролот на полицијата, Томи Бех, изјавил дека не знаат каде е Камхуис и одбил да шпекулира за она што можело да се случи со исчезнатиот Холанѓанец.
Жена, која тврди дека му е најдобра пријателка на Камхуис, твитна за неговото исчезнување во петокот. Според неа, Камхуис се одјавил од хотелот во Бодо и оттогаш не е виден. Камхуис требало да лета во Амстердам од Тронхем, град на 700 километри јужно од Бодо.
„Двата града се оддалечени околу 10 часа”, објави Викиликс, посочувајќи дека Камхуис исчезнал во Бодо, Тронхем или во возот.
Арјен Кампхуи (47) е експерт за сајбер-безбедност и е автор на „Информациска безбедност за новинарите”, прирачник што содржи совети за тоа како новинарите да ја сочуваат својата работа безбедна од шпионирање. Неговото мистериозно исчезнување ги поттикна теориите на заговор на интернет, што доведе до тоа некои луѓе да тврдат дека неговото исчезнување е поврзано со неговите врски со Викиликс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.