Свет
Лавров: Односите меѓу Русија и САД ни во блиска иднина нема да бидат особено добри
Русија нема нужно да одговори во иста мера на санкциите кои САД ги воведоа за Москва поради наводната вмешаност во труењето на поранешниот руски разузнавач Сергеј Скрипаљ и неговата ќерка Јулија, изјави рускиот министер за надворешни работи, Сергеј Лавров.
Обраќајќи им на студентите и на предавачите на Државниот институт за меѓународни односи во Москва, тој рече дека Русија „дефинитивно ќе одговори и дека наскоро ќе биде издадено соопштение во врска со тоа”.
Лавров тврди дека санкциите во САД се базираат на лажни обвиненија и дека заклучокот е „многу веројатно” сè што може да направат британските власти против Русија, објави ТАСС.
Рускиот министер смета дека односите меѓу Русија и САД во блиска иднина нема да бидат особено добри, но, во исто време, тој изрази надеж дека односите на крајот ќе бидат вратени на ниво на стратешко партнерство.
Шефот на руската дипломатија додаде дека, кога Русија и САД се во добри односи, целиот свет има корист од тоа и уште еднаш повтори дека Москва е подготвена да оди напред во односите онолку колку што Вашингтон е подготвен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Премиерката на Бангладеш: Сопствениците на фабрики да се откажат од луксузот заради вработените
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз.
„Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина.
Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС.
Свет
Уривање на дел од автопат во Кина: Најмалку 24 лица загинаа, 30 се повредени
Најмалку 24 лица загинаа, а 30 се повредени при уривање на дел од автопат на југот на Кина, во провинцијата Гуангдонг, јавија кинеските медиуми.
„Осумнаесет автомобили паднаа по падината откако се урна дел од автопатот долг 17,9 метри околу 2 часот по полноќ“, се вели во соопштението на властите во градот Мејџоу во провинцијата Гуангдонг, пренесува АП.
Според американската агенција, околу 11:45 часот по локално време под урнатините биле пронајдени 18 автомобили.
Свет
Блинкен им порача на Израел и Хамас дека е време за прекин на огнот
Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа.
Ова е седма посета на Блинкен од почетокот на војната меѓу Израел и Хамас – палестинска група прогласена за терористичка организација од страна на САД и Европската Унија уште од октомври.
Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници.