Македонија
(Видео) Макрадули: Гасоводот ќе поминува низ шума што нема големо значење за природата
Заменик-министерот за животна средина, Јани Макрадули, на дебата со активистите рече дека Водно не е заштитено подрачје. Според него, правила за тоа што може да се прави на Водно може да има кога ќе биде извршена валоризација и ова подрачје ќе се заштити со закон.
„Откако ќе се донесе одлука дека е заштитено подрачје, ќе се види кој ќе управува со Водно. Тогаш се дефинираат правилата што може да се прави или не. Државата нема екосистеми“, рече Макрадули откако активистка од иницијативата за „Спас на Водно“ укажа на фактот дека дозволата за градба на гасоводот не е за заштитено подрачје.
Изборот на трасата е направена врз основа на една главна траса и четири алтернативни, рече Макрадули, додавајќи дека врз база на студија и компаративна анализа, истата траса е избрана затоа што поминува низ подрачја каде што дрвјата имаат мало значење за животната средина.
„Трасата поминува низ нискостеблести шуми и низ шуми кои според европската скала имаат мало значење за природата“, рече Макрадули. Тој смета дека доколку во Скопје не се преземе ништо за загадувањето, во 2025 година ќе има енормини емисии на гасови, а, пак, доколку домаќинствата се поврзат на природен гас, тогаш загадувањето ќе се намали.
Aктивистиката Татјана Стојановска му рече на Макрадули дека тие како Министерство се најзасегнати за заштита на животната средина. „Вие наследивте многу неквалитетен проект, во тоа се согласувам. Но, требаше да се почне одново. Требаше кога видовте дека проектот не е в ред да барате ново решение и нова студија. Водно е заштитена парк-шума. Зошто дозволувате градби во период на носење на законот за валоризација на природните вредности? Нели прво треба да се донесе, па потоа да се спроведуваат активностите? Кога ќе се донесе законот, според наши сознанија, ова што се прави ќе биде противзаконски“, рече Стојановска од иницијативата „Спас за Водно“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лашкоска: Обновувањето на шумскиот фонд е дел од приоритетите на локално и национално ниво
Заменик министерката за животна средина и просторно планирање, Ане Лашкоска, денес ја посети Гевгелија каде заедно со градоначалникот, Андон Сарамандов, се приклучија на акцијата за масовно пошумување и подигање на јавната свест „Да пуштиме корени во нашата Гевгелија“ во рамките на која на месноста Топлик, Гевгелија се засадуваа 6000 дрвни насади.
„Министерството за животна средина ги поддржува активностите за пошумување во државата бидејќи тие се значаен ресурс од повеќе аспекти – заштита на биодивезитетот, подобрување на квалитетот на воздухот, климатските промени, заштита од ерозија и свлечишта и се важен економски ресурс“ изјави Лашкоска на настанот потенцирајќи дека обновувањето на шумскиот фонд е дел од приоритетите на локално и национално ниво особено во услови кога сме соочени со многу високи летни температури и со сериозно опожарување на шумите на територијата на целата држава.
Таа упати честитки и благодарност до градоначалникот на Гевгелија, Андон Сарамандов и општина Гевгелија за одлично реализираната акција.
Во рамките на посетата на општина Гевгелија, заменик министерката Лашкоска и градоначлникот Сарамадов направија увид во реализацијата на проектот за намалување на загуби на вода со замена и инсталација на водомери заедно со инсталација и конфигурација на опрема со далечинско отчитување. Проектот го имплементира ЈКПД Комуналец Гевгелија, а е финансиски поддржан од страна на МЖСПП со средства во висина од 5 милиони денари.
Македонија
СДСМ утре на Конгрес ќе избира ново раководство
Социјалдемократскиот сојуз на Македонија утре ќе го одржи 30. партиски Конгрес, на којшто ќе биде избрано новото партиско раководство.
Од опозициската партија известија дека Конгресот ќе има отворен и работен дел, ќе се разговара за идните, нови политики на партијата и ќе биде избрано новото раководство, однсно членовите на највисиките тела во СДСМ – Централниот и Надзорниот одбор.
На почетокот, ќе има обраќање на Венко Филипче, кој пред пет месеци ја презема претседателската функција од неговиот претходник, Димитар Ковачевски по големиот пораз што го претрпе партијата на парламентарните и претседателските избори.
Македонија
ВМРО-ДПМНЕ контра Кузеска: Оваа Влада вложува во модернизација, претходната потроши 5 милиони евра на службени возила
За разлика од ВМРО-ДПМНЕ која што вложува во модернизација, професионализација и осовременување на условите за работа во македонските институции, СДС и ДУИ во своето владеење за службени возила потрошиле повеќе од пет милиони евра, реагира ВМРО-ДПМНЕ на прес-конференцијата на портпаролката од СДСМ, Богданка Кузеска.
„Очигледно на функционерите од СДС изминатите седум години на власт, најважна им била сопствената комоција, а не и реалните проблеми на обичните луѓе“, велат од ВМРО-ДПМНЕ.
Додаваат дека во буџетот за 2025 година предвидено е зголемување на средствата за модернизација на МВР, одбраната, здравството, земјоделието, односно предвидени се зголемени средства за набавка на опрема во сите институции.
Кузеска претходно денес на прес-конференција обвини дека власта ги одби амандманите за поголеми плати, а ќе троши на мебел и скапи автомобили за функционерите.