Македонија
Заврши твининг-проектот за подобрување на управувањето со посебни видови отпад
Денеска и официјално заврши твининг-проектот за јакнење на административните капацитети за спроведување на Рамковната директива за отпад и директивите за посебните видови отпад, информираат од Министерството за животна средина и просторно панирање. На завршната церемонија свое обраќање имаа заменик-министерот за животна средина и просторно планирање, Јани Макрадули, раководителот на одделот за оперативни работи на Делегацијата на ЕУ, Вирве Импари, и амбасадорот на Кралството Шпанија, Емилио Лоренца Сера.
„Проектот имаше за цел да им помогне на надлежните органи да го усогласат националното законодавство за управување со посебните видови отпад со правото на ЕУ и да ги зајакнат капацитетите на Министерството за животна средина и просторно планирање за имплементација за имплементирање на директивите во оваа област. При тоа посебен предизвик беше постигнување на целите на Европската Унија за воспоствување систем за управување со контролираните текови на отпад, преку кој се пренасочува индустријата кон постигнување на целите на циркуларната економија“, информираат од Министерството.
Европската Унија, преку инструментот на претпристапна помош, го почна овој твининг-проект во септември 2016 година со времетраење од 24 месици и со буџет од 1.01 милиони евра. Со овој проект, додаваат од Министерството во своето соопштение, се подготви подобрен систем за управување со отпад, им се помогна на сите вклучени сектори да добијат појасна слика за нивните задолженија и се отворија можности за развој и функционирање на системите за управување со отпад. Како резултат на ова, ќе се постигне поголем степен на рециклирање и ќе се подобри системот за отстранување на другите видови отпад, додаваат од Министерството за животна средина и просторно планирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот на претседателските избори до 11 часот е 12,87 отсто, а на парламентарните 13,69 отсто
Според податоците од 2080 избирачки места за претседател на државата до 11 часот гласале 12,87 отсто од гласачите. Државната изборна комисија (ДИК) соопшти дека од вкупно запишани 1.096. 219 гласачи на овие избирачки места гласале 141.087 гласачи односно 12,87 отсто.
Најголем одѕив за претседателските избори има во Пробиштип 27,85 отсто, а најмал е одѕивот во Липково 1,76 отсто.
„Може да се забележи дека во Источна и Централна Македонија многу повеќе гласачи гласале на претседателските избори отколку во Западна Македонија каде што процентот е многу низок“, рече претседателот на ДИК Александар Даштевски.
До 11 часот пристигнати се податоци за одѕив на гласачите за парламентарните избори од 1.976 избирачки места. Од вкупно запишани 1. 030.092 гласачи на овие избирачки места гласале 140.990 граѓани. Одѕивот е 13,69 отсто. Најголем одѕив на парламентарните избори има во Кривогаштани 28.38 отсто, а најмал е одѕивот во Врапчиште 5,2 отсто.
Претседателот Даштевски речe дека споредено со парламентарните избори во 2020 година на денешните избори има зголемување на одѕивот од 2,69 отсто.
Македонија
Над 300 набљудувачи го следат изборниот процес
Со повеќе од 300 набљудувачи од 25 држави ОБСЕ го следи изборниот процес на избор на парламентарен состав и за претседател на државата.
За утре во 15:00 часот е закажана прес-конференција на која ќе бидат објавени прелиминарните податоци за текот на изборниот процес.
Специјалниот координатор на ОБСЕ, Николоз Самхарадзе им посака успех на гласачите и рече дека ќе ги следат изборите низ државата, во сите големи градови, но и во руралните средини.
Македонија
Нема бојкот на претседателските избори, сите што излегле на парламентарните, гласале и за претседател, уверува Даштевски
Нема бојкот на претседателските избори, сите што излегле на парламентарните, гласале и за претседател, вели претседателот на ДИК, Александар Даштевски.
„На неколку места се појавија технички проблеми, кои во меѓувреме се решаваат, таму гласањето ќе продолжи на стариот начин со УВ-ламба и спреј, а доколку се исправат техничките недостатоци, ќе се продолжи со техничката опрема. Такви места има во Кочани, Охрид, Куманово, Тетово и во Гази Баба.
Како што дополнува, има доставено и 15 приговори за избирачко право и само три од нив се одбиени.
Во однос на одѕивот на парламентарните избори, до 9 часот, по обработените податоци од 1.033 избирачки места, гласале 4,45 %. Според податоците на ДИК, најголем одѕив има во Пробиштип, а најмал за парламентарните има во Боговиње (1,43 %).
Во Македонија утрово почнаа парламентарните избори и вториот круг од претседателските.
Избирачките места, од кои вкупно 3.480 беа отворени во 7 часот, а ќе бидат затворени во 19 часот.