Свет
Познатиот њујоршки неделник „Вилиџ војс“ престанува да работи по 60 години
Познатиот њујоршки неделник „Вилиџ војс“, кој произлезе од културната сцена во квартот Гриничвилиџ, престанува со работа, објавено е пред неколку дена.
Во говорната пошта на сопственикот Питер Барби на работниците на неделникот им беше кажано дека половина од нив се отпуштени, а оние кои остануваат ќе бидат ангажирани во архивирање.
Самиот весник официјално не објави ништо за својот крај, но неколку работници ја потврдија оваа вест на „Твитер“.
„Сипај една за ‘Вилиџ војс’. Беше тоа добро време“, напиша уредникот на вестите, Нил Демаус.
Неделникот е основан во 1955 година од познатиот писател Норман Мејлер со Дан Волф и Ед Фансер. Особено значење му даваше на истражувачкото новинарство. Весникот освои три Пулицерови награди, вклучувајќи ги и оние за извештајот за убиството на плејбој-зајачицата и за ХИВ во Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.