Спорт
Англија падна на „Вембли“ по цела деценија (Видео)
Шпанија ја победи Англија со 2:1, на стартот на натпреварите во Групата 4 од А-дивизијата во Лигата на Нации. Дуелот траеше повеќе од 100 минути, а Англичаните прв пат по 2007 година загубија меч на „Вембли“. На овој натпревар на шпанската клупа дебити…
Шпанија ја победи Англија со 2:1, на стартот на натпреварите во Групата 4 од А-дивизијата во Лигата на Нации. Дуелот траеше повеќе од 100 минути, а Англичаните прв пат по 2007 година загубија меч на „Вембли“. На овој натпревар на шпанската клупа дебитираше како селектор Луис Енрике.
Натпреварот на најголемиот англиски стадион започна во бавно темпо на двете страни, а бурата започна во 11.минута, кога Англичаните постигаа гол. Кејн отвори контра, Шо идеално го проигра Рашфорд, на кого не му беше тешко да го совлада клупскиот колега Де Хеа.
Предноста на „Гордиот албион“ траеше несели 120 секунди, кога Родриги мина по десната страна нафрли, а Саул Нигез со полу-волеј ја смести зад грбот на Пикфорд.
По постигнатиот гол Шпанците целосно ја презедоа контролата врз играта. Таквта нивна определба резултираше со гол во 32.минута. Алкантара изведе слободен удар од левата срана на теренот, а Родриго успеа да им побегне на своите чувари и да ја смести топката во поблискиот агол.
Второто полувреме започна со повредата на левиот бек на Англија, Лук Шо. По судирот со Карвахал тој остана да лежи на теренот, а по укажаната лекарска помош на носилки беше изнесен од теренот.
RT FoootballPlanet: Luke Shaw’s horrific injury..pic.twitter.com/5w5REvTMSq
— AccumulatorON (@AccumulatorOn) September 8, 2018
Шпанците, потоа продолжија во истото темпо во кое го завршија првиот дел, целосно ја контролираа играта не дозволувајќи му на противникот повеќе од три додавања.
Англија успеа да се ослободи од притисокот по 75.минута, кога Де Хеа со брилијантна интервенција го спречи Рашфорд да израмни.
Домашните играчи постигнаа гол за израмнување во 98.минута кој оправдано беше поништен поради прекршокот што Велбек го направи врз шпанскиот голман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.