ДУИ не може да се претставува за чувар на евро-атланскиот курс на државата, затоа што има зад себе многу неодговорени и сомнителни прашања, оценуваат од „Вреди“.

ДУИ не кажа зошто министерот Бујар Османи одржал 11 средби со српскиот шеф на дипломатијата, а немал ниту една официјална иницијатива со Косово, прашуваат од оваа партија.

„ДУИ не кажа и бега да каже на колку ручеци, вечери и „пријателски прошетки“ присуствувале Али Ахмети и Бујар Османи лично со претседателот на Србија, Александар Вучиќ?
ДУИ нема да ја слушнете да каже колку често Османи се среќавал со српскиот амбасадор во Скопје и зошто не ја информирал јавноста за секоја од тие средби?
ДУИ и должи на јавноста информација за тоа олку пати Османи патувал приватно во Србија и зошто јавноста никогаш не дозна за тие посети.
Додека ДУИ не даде одговор на овие прашања, нека не се лажат дека некој им верува и ги гледа различно од тоа што се, партија на црната листа на нашите стратешки западни партнери“.

Потсетуваат дека партијата што го туркаше како што велат, „Отворен Балкан“ како интеграција со Србија и игнорираше соработка со Косово е токму ДУИ.

ДУИ, според „Вреди“ е истата партија што ја прогласуваше брзата лента на границата со Србија за „историски успех“, но не мрдна прст за премините Блаце и Јажинце спрема Косово или преминот Ќафасан кон Албанија.

ДУИ сака да се претстави како „заштитник“ на Албанците, но нивните дела сведочат за спротивното: огромен број на средби со српските власти, увоз на српски идеи, соработки со Србија, игнорирање на соработката со Косово.

Од „Вреди“ со порака дека европска интеграција не се брани со селективна дипломатија.

„Ако Османи нема време за Приштина, нема кредибилитет да зборува за „српски свет“. Вистинскиот патриотизам се мери во километри автопат, не во селфи-дипломатија со Вучиќ. Албанците заслужуваат транспарентност и затоа секој службен или приватен состанок со Белград мора да биде јавно објавен.
Дотогаш, секоја нивна реакција останува обид да се фрли магла врз сопствените пропусти.

СДС кога зборува за енергетиката и нашите заложби, само нека се сети што се направија изминатиов период за оваа гранка. Во нивно време синоним за енергетика беше криминал и корупција.

СДС е последен што смее да говори за енергетиката, бидејќи Васко Ковачевски поранешен директор на ЕСМ, се бара со потерница поради случајот „Адитив“, го оштети македонскиот Буџет за 6,5 милиони евра, реагираат од ВМРО-ДПМНЕ.

Во време на владеењето на СДС, државата, додаваат од таму, беше труена со отровен мазут и беа украдени од државата неверојатни 167 милиони евра.

„Поради негрижата на СДС, секој месец наредните 15 години, ќе плаќаме по 300 илјади евра фактури или околу 54 милиони евра.

СДС нема кредибилитет да говори за енергетиката, ниту пак за било што друго кое поради нив, ВМРО-ДПМНЕ го гради од темел“.

После 90 години се реконструира објектот на училиштето во село Радање. Министерот за локална самоуправа, Златко Перински, заедно со градоначалникот на Општина Карбинци, Виктор Паунов, го означија почетокот на градежните активности на проектот „Реконструкција на ПОУ „Страшо Пинџур“ во село Радање, каде што учат околу 70 ученици на македонски и турски јазик, од прво до петто одделение.

Министерот при посетата посочи дека ваквите проекти се јасен показател дека државата инвестира во сите општини и региони. Посебен акцент е ставен на руралните општини.

Вкупната вредност на проектот е 8.946.038 денари, од кои, Министерството за локална самоуправа, преку Програмата за намалување на диспаритетите меѓу и во рамките на планските региони и зголемување на регионалната конкурентност за 2025 година, инвестира 4.500.000 денари, а обезбедени се и 4.446.038 денари од буџетот на Општина Карбинци.

„Покрај овие средства, Општината преку првиот и вториот јавен повик доби приближно 40 милиони денари, за реализација на вкупно 5 проекти“, дополни министерот.

Преку Програмата за намалување на диспаритетите меѓу и во рамките на планските региони и зголемување на регионалната конкурентност за 2025 година се финансирани 38 проекти со вкупна вредност од 87.925.000 денари. Во рамки на оваа Програма се поддржуваат активности за изведба на градби за подобрување на пристапот до инфраструктура на ниво на плански региони и на локално ниво.