Свет
Високата комесарка за човекови права на ОН со критики до австриските миграциски политики
Унгарија и Австрија во вторникот ги отфрлија критиките од новиот комесар за човекови права на ОН за нивните миграциони политики обвинувајќи ја за ширење полувистини и неосновани сомнежи, пренесува „Локал“. Во својот прв говор како висок комесар на ОН за човекови права, Мишел Башелет во понеделникот изјави пред Советот за човекови права во Женева дека е разочарана од пристапот на многу развиени земји кон миграцијата.
Иако во усното обраќање не ги критикуваше миграционите политики на одредени земји, таа ги издвои Унгарија и Австрија, меѓу другото, во подолгата пишана верзија на својот говор. Таа особено укажа на шокантните извештаи дека на мигрантите во транзитните зони на унгарско-српската граница не им даваат храна.
Кога унгарската амбасадорка во ОН во Женева, Зузана Хорват, реагира на говорот на Башелет во вторникот, таа му рече на Советот дека е жално што нејзиниот извештај содржи полувистини. Таа тврдеше дека никој не е задржан во транзитните зони во Унгарија и секој може слободно да ги напушти.
„Освен тоа, рече таа, храната е и ќе продолжи да биде дистрибуирана до сите што веќе ги поднесоа своите барања како бегалци“.
Во пишаната верзија на говорот Башелет се осврна и на мерките усвоени од унгарската влада во јуни, што им овозможуваат на властите да го уапсат, кривично да го обвинат и веднаш да го отстранат од граничната област на Унгарија секој адвокат, советник, волонтер или член на семејството со законски престој, осомничен за помагање некому да поднесе барање за азил, да добие дозвола за престој или да преземе други совршено законски дејства“.
Хорват го истакна ставот на владата дека сите нелегални миграции мора да бидат запрени и границите мора да бидат заштитени.
„Намерното наведување на мигрантите во ранливи ситуации не е хуманитарен чин според нашето мислење. Тоа е криминал што доведе до премногу смртни случаи на мигрантските рути“, рече таа.
Австрискиот канцелар Себастијан Курц во вторникот побара од Башелет да ги разјасни коментарите за неговата земја во пишаната верзија на својот говор. Во текстот Башелет предупредува дека приоретизирањето на враќањето на мигрантите од Европа, без да се исполнат клучните меѓународни обврски за човековите права, не може да се смета за одговор за заштита“.
Таа рече дека нејзината канцеларија планира да испрати тим во Австрија за да ги процени последните случувања во оваа сфера.
Курц од Виена порача дека ќе ја брани својата земја од сите неосновани сомневања тврдејќи дека мигрантите во Австрија уживаат подобри услови отколку во повеќето земји. Наместо да ја ставаат Австрија на тапет, рече тој, ОН треба повеќе да се фокусираат на земјите што применуваат мачење и смртна казна и во кои слободата на изразување, собирање и религија се повредуваат секој ден“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.
Свет
Едно лице е тешко повредено во експлозија во зграда во Турција
Едно лице е тешко повредено во експлозија во станбена зграда во турскиот град Текирдаг, во северозападна Турција.
Засега не е познато што ја предизвикало експлозијата во станот на последниот кат од петкатницата, а како што неофицијално дознава телевизијата ТРТ, најверојатно е дека експлодирала плинска боца.
Од силината на експлозијата оштетени се ѕидовите во станот, а искршени се прозорците.
Регион
Данка денес ќе правеше две години: тажната судбина на девојчето за кое плачеше цел регион
Малата Данка Илиќ, денеска, 6 мај, ќе наполнеше две години.
Пред точно 40 дена исчезна Данка.
Тогаш за прв пат се активираше системот „Најди ме“ и започна потрагата. Покрај полицијата се вклучија и луѓе, па веќе првата вечер по девојчето трагаа повеќе од 100 луѓе. По неа трагаа жителите на Бањско поле, соседи, пријатели, противпожарна единица, како и припадници на Планинарската спасувачка служба и полицијата. Кучиња трагачи беа на пат, беспилотни летала летаа над теренот, вклучени беа хеликоптери, а теренот беше дури и прегледан со термални камери.
Мештаните тој ден рекоа дека околу куќата на Илиќ имало неколку дупки длабоки меѓу еден и два метри и дека се наполниле со подземна вода. Сите беа загрижени дека девојчето залутало и паднало со едно од нив.
Единиците на полицијата во раните утрински часови го пребараа теренот, а потрагата се уште беше отежната поради силниот дожд.
Неколку дена подоцна беше откриено дека Данка Илиќ е убиена. Осомничени за делото се Срѓан Јанковиќ (50) од село Лука и Дејан Драгијевиќ (50) од Злот, работници на Бор „Водовод“ кои се уште не ја откриваат локацијата на која го пренеле телото на девојчето од дивината. Во притвор е и таткото на Драгијевиќ, Радослав (73), осомничен дека му помагал на синот да го премести телото на девојчето. Под истрага бил и најмладиот Драгијевиќ – Далибор (40). Но, тој почина на 7 април во притвор на полицијата на Бор.