Спорт
Барса може најмногу да троши, Реал е втор, Атлетико се доближува
Барселона и Реал, очекувано водат на финансиската табела во шпанската Ла Лига, а според најновите податоци опасно им се доближува Атлетико Мадрид.
Ла Лига ги објави лимитите за секој клуб, односно колкава сума на пари за плати, кон играчите и членовите…
Барселона и Реал очекувано водат на финансиската табела во шпанската Ла Лига, а според најновите податоци, опасно им се доближува Атлетико Мадрид.
Ла Лига ги објави лимитите за секој клуб, односно колкава сума за плати кон играчите и членовите на стручниот штаб може да одвојат клубовите за сезоната 2018/2019.
Јасно е дека предвидениот лимит клубовите не мора да го потрошат. Извештајот на Ла Лига не покажува колку клубовите издвојуваат на плати, туку колку реално може да издвојат за таа намена.
Убедливо на првата позиција е Барселона, следува Реал Мадрид, па Атлетик, Валенсија, Севилја…
Барселона располага со речиси 633 милиони евра, а Реал на располагање има 66,5 милиони евра помалку од најголемиот ривал. Каталонците беа на врвот и минатата сезона, но тогаш разликата со „кралскиот клуб“ била само осум милиони евра.
Каталонците оствариле таков напредок поради новите спонзорски договори, продажбата на неколкумина играчи и заминувањето на Андрес Иниеста. Исто така, во делот на буџетот за плати влегуваат и сите спортски секции поради што Барселона со својата спектар на спортови има предност во однос на Реал.
На третото место Атлетико за плати може да потроши 293 милиони евра, што е повеќе од 50 милиони евра во однос на претходната сезона.
Ова само покажува дека „колчонерос“ е во подем на сите полиња бидејќи прет три години Барселона и Реал можеа за плати да издвојат трипати повеќе пари од Атлетико.
Уште само три екипи имаат буџет со девет цифри: Валенсија (164 милиони евра), Севилја (162) и Вилјареал (109).
На дното на оваа табела се наоѓа Ваљадолид со скромни 23,8 милиони евра што може да ги издвои за плати на играчите и стручниот штаб.
Ваквите големи разлики во најголем дел се резултат на широката навивачка база што ја имаат Барселона и Реал, но и поради приходите од ТВ/правата, која во Шпанија е нерамномерно распределена, што не е случај во англиската Премиер лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.