Свет
Лаптоп експлодира во метро во Мадрид, шестмина повредени
Најмалку шест лица се повредени по експлозијата во мадридското метро откако лаптоп експлодирал во торбата на една девојка, пренесува „Раша тудеј“. Според локалните медиуми, експлозијата предизвикала паника зашто патниците помислиле дека експлодирала бомба.
Извештаите од терен покажуваат дека патниците ја активирале сопирачката за итни случаи и го напуштиле возот пеш, одејќи по пругите на метрото до станицата „Принсипе де Вергара“.
Еден очевидец изјавил дека возот запрел и дека многумина добиле медицински третман за напад на паника. Друг сведок на социјалните мрежи објавил видеозапис од евакуацијата, жестоко критикувајќи ја компанијата „Мадрид де Метро“ за задржување на патниците заклучени во возот повеќе од 30 минути.
Експлозијата ги прекинала услугите на метрото помеѓу станиците „Сајнц де Баранда“ и „Авенида де Америка“, но сообраќајот е веќе вратен во функција.
Во 2004 година, терористи поврзани со Ал Каеда го нападнаа мадридското метро со речиси истовремени, координирани бомбашки напади три дена пред парламентарните избори во Шпанија. Во експлозиите загинаа 192 лица и беа повредени околу 2 000 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.