Свет
Лидерите на Северна и на Јужна Кореја прогласија крај на воената состојба на Полуостровот
Северна и Јужна Кореја потпишаа договор во одбранбениот сектор и излегоа со заедничка изјава по резултатите на самитот во Пјонгјанг. Јјужнокорејскиот претседател, Мун Џае-ин, и лидерот на Северна Кореја, Ким Јонг-ун, всушност прогласија крај на воената состојба, соопшти портпаролот на јужнокорејскиот претседател.
„Лидерите на Северна и на Јужна Кореја всушност прогласија крај на воената состојба на Корејскиот Полуостров со нивните договори”, рече портпаролот.
Лидерите потпишаа заеднички договор по самитот во Пјонгјанг. Договор за воена соработка беше потпишан од министерот за одбрана на Јужна Кореја, Сонг Јанг-мо, и севернокорејскиот министер за одбрана, Но Кванг-чол, во присуство на лидерите на двете држави.
Според заедничката изјава на лидерите, Северна Кореја одлучила целосно да го деактивира полигонот за тестирање на ракетите во Тончкан-ни и ќе им дозволи на меѓународните набљудувачи да ја посетат областа. Во соопштението се вели и дека Северна Кореја ќе го демонтира својот нуклеарен реактор во Јонбион, во рамките на договорите потпишани со САД.
Во меѓувреме, јужнокорејскиот претседател посочи дека Сеул и Пјонгјанг се согласиле да ја отстранат заканата од војна на Корејскиот Полуостров. Во заедничката изјава се вели и дека работите за поврзување на патиштата и железниците меѓу двете земји ќе почнат пред крајот на годината.
Сеул и Пјонгјанг, исто така, се согласија да испратат заеднички тим на Олимписките игри во 2020а година, како и да поднесат заедничка апликација да бидат домаќини на Игрите во 2032 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почна европска истрага против Фејсбук и Инстаграм
Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.
„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.
Таа додаде дека борбата против дезинформациите е особено важна за време на изборната кампања.
Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ.
Свет
Астра Зенека призна дека нејзината вакцина против Ковид-19 може да предизвика несакани ефекти
Фармацевтската компанија Астра Зенека во судски документ призна дека нејзината вакцина против Ковид-19 може да предизвика ретки несакани ефекти, вклучувајќи згрутчување на крвта и низок број на црвени крвни зрнца.
Во Велика Британија е покрената колективна акција против Астра Зенека, која тврди дека употребата на вакцината CoviShield довела до смрт и сериозни штети и бара отштета до 100 милиони фунти за 50 жртви, објави „Индепендент“.
Една од тужителите тврди дека вакцината и предизвикала трајно оштетување на мозокот и дека згрутчувањето ја оставило неспособна да работи.
Свет
Ерупција на вулканот Руанг во Индонезија:, евакуирани повеќе од 12.000 луѓе
Во Индонезија се евакуирани 12.000 луѓе кои живеат во близина на островот Сулавеси, каде што еруптираше вулканот Руанг, за што Центарот за вулканологија и проценка на геолошки ризик прогласи највисоко, четврто ниво на тревога.
Жителите на островот се преместени во градот Манадо, а Центарот ги предупреди граѓаните на соседниот остров Тагуланданг дека постои опасност од цунами поради паѓање на материјал од вулканот во океанот, пренесува Ројтерс.
Се проценува дека чадот над вулканот достигнал висина од пет километри, поради што биле евакуирани жителите во радиус од седум километри.