Црна хроника
Платен убиец од Албанија ги снимал убиствата
Платениот убиец од Албанија Јулиан Синанај (31), кој е уапсен од страна на полицијата и кој признал повеќе убиства, дел од убиствата ги снимал за да им потврди на оние кои го плаќале дека убиството е извршено.
Ова се наведува во истражните документи на албанските власти, пренесуваат медиумите во Албанија. Според извори на јавното обвинителство на Тирана на кои се повикуваат албанските медиуми, за време на претресот на неговиот стан во албанскиот главен град му биле пронајдени и снимки реализирани во моментот на убиствата на неговите жртви.
Убиецот, покрај веќе признатите две убиства кои биле нарачани, во средата признал уште четири други убиства извршени во Валона во помладите години.
Медиумите наведуваат дека до сега истрагата потврдила дека Синанај има извршено и над 20-сетина убиства во Грција каде бил подолг период, кога и бил обучуван за убиства од извесна Руска мафија која делувала во Грција.
Синанај е уапсен во Албанија поради подметнување на експлозии од кои има и две жртви. тој изјавил дека убиствата биле нарачани и признал дека е платен убиец. /крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.