Свет
Швајцарски регион ќе гласа за забрана на бурката
Втор швајцарски кантон ќе гласа в недела за тоа дали да воведе регионална забрана за бурката, контроверзен закон со кој ќе се забранат сите облеки што ги покриваат лицата на јавни места, пренесува „Локал“.
Кантонот Сент Гален се очекува да го следи примерот на јужниот кантон Тичино, каде што пред две години беше воведен закон кој навидум е наменет за бурките и другите муслимански превези. Текстот на законот кој вели дека „секое лице кое ќе се направи непрепознатливо со покривање на лицето во јавен простор, а со тоа ќе ја загрози јавната безбедност или социјалниот и религиозниот мир, ќе биде казнето со парична казна” беше усвоен во Сент Гален на крајот од минатата година.
На овој закон му се спротивстави регионалната влада, но, сепак, го помина регионалниот парламент со поддршка од популистичките десничарски и централни партии. Но, прашањето ќе биде поставено пред јавноста откако Партијата на зелените и младите социјалисти побараа референдум. Противниците на законот веруваат дека тоа е популистичко заплашување и дека Сент Гален веќе има закон за забрана на покривање на лицето во потенцијално опасни ситуации, како што се политички митинзи и спортски настани.
Текстот на предложениот закон, изготвен по хаосот во кантонот кога една девојка носела целосен превез во училиште, е проблематичен, вели Фреди Фаслер, социјалист задолжен за безбедност и правда во Сент Гален.
„Не се дефинира кога жената што носи бурка претставува опасност, а критичарите се грижат дека санкциите ќе бидат непредвидливи и произволни”, изјави тој за „ Ле Темпс“.
Швајцарската влада лани ѝ се спротивстави на иницијативата за воведување национална забрана за бурката, велејќи дека регионите треба да одлучат дали таквите мерки се соодветни. Владата сега покрена контрапредлог според кој луѓето кои ги присилуваат жените да носат бурка или никаб ќе бидат казнети со затворска казна до три години или со парични казни.
Сите швајцарски гласачи на крај ќе се изјаснат по ова прашање откако популистичката десничарска Швајцарска народна партија ги собра 100 000 потписи потребни за да се стави прашањето на референдум како дел од познатиот швајцарски систем на директна демократија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.