Свет
Африкански малолетен мигрант уапсен во Франција за серија силувања
Шеснаесетгодишно момче од Брегот на Слоновата Коска, кое пристигнало во Франција како малолетник без придружба, било уапсено под сомнение дека извршило низа насилни силувања откако неговата ДНК била идентификувана на местото на нападот, пренесува „Брејтбарт“. Осомничениот, кој живеел во домови за азиланти откако дошол во Франција пред четири години, бил уапсен минатата недела додека излегувал од средното училиште во Марсеј и одбил да зборува за случајот додека бил во притвор.
Бидејќи неговата ДНК била најдена во три сериозни силувања, идентификацијата и апсењето на тинејџерот станаа главен приоритет за полицијата. Првиот напад се случил на 24 април, кога 58-годишна жена била нападната во Марсеј под закана со нож и силувана.
Полицијата сфатила дека е соочена сериски силувач откако уште две жени пријавиле слични напади, од кои едниот се случил на 19 мај, а другиот на 2 август во различни делови на Марсеј.
„Овие две други силувања исто така биле извршени ноќе, од млад човек вооружен со нож кој ги нападнал одзади. Во тој момент, сите полициски одделенија во градот беа свесни дека во Марсеј има сериски силувач”, изјави полициски извор.
Дури на 10 септември детективите од Дирекцијата за јавна безбедност на Буш-ду-Рон биле известени дека е пронајдено поклопување на примероците од ДНК земени од сите места на нападите. Генетскиот профил, наводно, се совпаѓа со ДНК земена од 16-годишникот во јуни, кога бил сослушуван за кражба, но подоцна бил ослободен поради недостиг од докази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.