Спорт
Крвава победа – Џошуа го нокаутираше Поветкин во седмата рунда (видео)
Ентони Џошуа ги одбрани своите титули во тешка категорија и остана непоразен, откако во седмата рунда го „патосираше“ рускиот предизвикувач Александер Поветкин на „Вембли“, иако по слабиот старт на мечот остана со крвав нос.
За многу боксерски фанови д…
Ентони Џошуа ги одбрани своите титули во тешка категорија и остана непоразен, откако во седмата рунда го „патосираше“ рускиот предизвикувач Александер Поветкин на „Вембли“, иако по слабиот старт на мечот остана со крвав нос.
За многу боксерски фанови дуелот со Поветкин беше само неопходна епизода пред можниот меч за обединување на титулите во тешка категорија против Американецот Дионтеј Вајлдер, но Поветкин беше сѐ само „неопходен“, откако Русинот го фати Британецот со одличен удар и беше одличен во првите рунди.
Русинот, кој досега беше поразен само од Владимир Кличко и тоа на поени, ја презеде иницијативата и беше подобар во втората и третата рунда, но Британецот полека се смири на дождот во Лондон за во седмата рунда да го „зафати“ својот противник. Поветкин стана, но повторно беше соборен за Џошуа да стигне до 21. нокаут во 22 професионални меча и да ги одбрани ВБА, ИБФ и ВБО титулите.
Povetkin never been KO’d in his career. One fight with Anthony Joshua: pic.twitter.com/ErnVe6mojR
— Harrison Klopp (@HarrisonKlopp) September 22, 2018
Сега, очите се вперени во мечот на ВБЦ шампионот Вајлдер против поранешниот апсолутен шампион Тајсон Фјури на 1 декември, бидејќи следниот противник на Џошуа сигурно ќе дојде од тој меч.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баер со триумф во Купот стави точка на неверојатната сезона
Баер Леверкузен е победник на Купот на Германија за сезоната 2023/2024. и освојувач на „двојната круна“ во германскиот фудбал, откако претходно на доминантен начин ја освои и Бундес лигата.
Избраниците на Чаби Алонсо беа подобри од второлигашот Кајзерслаутерн во финалето на Олимпискиот стадион во Берлин со 1:0.
Ова беше петто финале за „фармацевтите“ и втора титула во Купот, прва по 1993 година.
Леверкузен ја комплетира чудесната сезона, која во сите натпреварувања ја заврши со еден пораз. Баер одигра 53 натпревари во сите конкуренции и загуби само еднаш, во средата од Аталанта во финалето, во Лига Европа.
Победата во финалето против Кајзерслаутерн ја изборија со голот на Џака во 16.минута, а потоа покажаа квалитет кога успеаја да ја одбранат бидејќи од 44.минута играа со фудбалер помалку на теренот.
Спорт
Тен Хаг: Ако Јунајтед не ме сака, ќе одам на друго место да освојувам трофеи
Манчестер јунајтед го освои ФА Купот откако во големото финале на Вембли го совлада Манчестер сити со 2:1. За Јунајтед ова е прв триумф во ФА купот по 2016 година, вкупно 13. во клупската историја.
Ерик Тен Хаг, го освои првиот тофеј како менаџер на Манчестер јунајтед. И покрај победата во ФА купот не е сигурно дека Холанѓанецот и наредната сезона ќе биде менаџер на Јунајтед. го коментираше натпреварот.
„Ако Јунајтед повеќе не ме сака, ќе одам на друго место за да освојувам трофеи. Тоа е она што го правам цела моја кариера“, рече Тен Хаг.
Како можни наследници на Тен Хаг се споменуваат Киеран Мекена од Ипсвич Таун, Роберто Де Зерби кој неодамна објави дека го напушта Брајтон и Томас Тухел кој си замина од Баерн на крајот на сезоната.
Спорт
МЗТ ја одбрани шампионската титулата
Foto/ facebook.com/kkmztskopje
МЗТ Скопје ја освои петтата последовна титула, 11. титула во клупската историја. Финалната серија против Пелистер, МЗт ја доби со 3:0. По двете победи на домашен терен, МЗТ вечерва победи во Битола со 78:67.
Пелистер се обиде да ја продолжи серијата, да се избори и за четврти натпревар, но кошаракарите на Радуловиќ имаа сила да му се спротивстават на шампионот само 24 минути.
По релативното израмнето прво полувреме, Пелистер во 23.минута ја стекна највисоката предност 50:43 и тука застана. МЗТ одговри со серија 11:0, минусот го претвори во плус од четири поени.
Во последната четвртина МЗТ му дозволи на Пелостер само два поени во првите шест минути игра, а кога Баковиќ со две тројки ја крена разликата на 16 поени беше јасно дека МЗТ ќе ја одбрани титулата.
Најефикасни во тимот на МЗТ беа Баковиќ и Гилон со по 15 поени, 11 кошеви постигнаа Делалиќ и Петков. Пелистер го предводеа Мијовиќ и Костоски со по 19 поени.