Регион
Турција ги бомбардираше курдските позиции во Северен Ирак
Турските воздухопловни сили извршија масивен одмазднички напад врз позициите на забранетата Работничка партија на Курдистан (PKK) на територијата на Северен Ирак, во кој учествувале 53 борбени авиони, јавуваат во вторникот турските медиуми повикувајќи се на воени извори.
Според телевизијата NTV, воздушната операција во која учествувале борбените авиони од типот F-16 и F-4 траела цела ноќ, и биле истрелани повеќе од 130 проектили врз 20 цели на курдските герилци во областите Кандил, Хакурк, Авашин, Басјан, Метина, Гаре, и Зап во курдската автономна покраина Северен Ирак. Притоа, турски воени извори за телевизијата рекле дека во нападите загинале најмалку 40 курдски борци.
Турската државна новинска агенција Anadolu Agency (AA), повикувајќи се на своите воени извори, јавува дека операцијата траела шест часови со интензивни бомбардирања во кои загинале „35 до 40 милитанти, според прелиминарните процени“.
По првичниот молк во врска со големината на загубите на турската армија, во вторникот воениот врв потврди дека 16 турски војници биле убиени во бомбашкиот напад врз оклопниот конвој во неделата, за кој одговорноста на преземаа герилците на PKK.
Владата во Анкара, по овој најсмртоносен напад врз нејзините сили откако Турција кон крајот на јули ги започна операциите против PKK и воопшто во повеќе од тридецениската вооружена борба на курдските милитанти, вети дека ќе искорени оваа организација која се залага за поголема автономија на курдската заедница, а е ставена на листата терористички организации на ЕУ и САД.
Од крајот на јули, турската армија врши голема воздушна кампања против упориштата на PKK во југоисточна Турција и Северен Ирак, на што милитантите возвраќаат со речиси секојдневни напади врз полицијата и безбедносните сили./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.