Свет
(Видео) Бројот на загинати во Индонезија се зголеми на 384 лица, стотици се повредени
Индонезиските власти објавија дека бројот на жртви од катасрофалните земјотреси и цунамито во градот Пал на островот Сулавеси се зголемил на 384 лица, додека стотици се повредени, информaцијата за големиот број на загинати која ја објавија властите во Индонезија ја пренесоа светските медиуми.
Властите наведоа дека бројот и натаму може да се зголемува, како и дека илјадници домови до сега се оштетени или уништени.
И во текот на ова утрово продолжуваат силни последователни потреси во овој крајбрежен град кој живее од туризмот.
Портпаролот на владината Агенција за вонредни ситуации, изјави дека е загрижен бидејќи бројот на жртви кој го посочија се однесувал само на местотo Пал и дека земјотресот и цунамито погодија два града и неколку населби во Сулавеси.
Индонезиски власти се уште немаат информации од градот Донгала, кој беше поблиску до епицентарот на земјотресот, на 27 километри од него. Повеќе од 600.000 луѓе живеат во Донгала и Пал. Оваа област во текот на вчерашниот ден прво беше погодена од послаб земјотрес, при што загина еден човек и повредил најмалку десет лица, а по него следуваше катастрофалниот земјотрес со јачина од 7,5 степени според Рихтеровата скала и цунамито.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.