Спорт
Вардар славеше кај Веспрем
Ракометарите на Вардар ја продолжија победничката серија од почетокот на сезоната. Во третиот меч во Лигата на шампионите тие ја запишаа третата победа. Вардар победи на „жешкиот“ терен во Веспрем 27:25. Одново на голот на Вардар блескаше Дејан Милосав…
Ракометарите на Вардар ја продолжија победничката серија од почетокот на сезоната. Во третиот меч во Лигата на шампионите тие ја запишаа третата победа. Вардар победи на „жешкиот“ терен во Веспрем 27:25. Одново на голот на Вардар блескаше Дејан Милосављев со 12 одбрани, додека нападот го предводеа Тимур Дибиров со шест и Вуко Борозан со пет гола. Кај Веспрем македонскиот репрезентативец Дејан Манасков постигна три гола.
Откако во првото коло го срушија европскиот првак и тоа во Монпеље, Вардар забележа уште едн голема победа и тоа на теренот на Веспрем.
Екипата на Гарсија Парондо доминираше во првите 20 минути од натпреварот кога создаде предност од пет гола (6:11 и 7:12), меѓутоа Веспрем во последните осум минути успеа да се врати во мечот и на полувреме се замина со резултат 13:11 за Вардар.
Првата третина од вториот дел беше најлошиот период во играта на Вардар. Веспрем успеа да ја стигне и престигне предноста на противникот (16:14). Црвено-црните бргу фатија приклучок израмнија на 16:16 и гол за гол се играше до резултат 19:19.
Веспрем потоа успеа да се одвои на два гола (21:19), по што следуваше молскавичен одговор на Вардар. Серија од три гола за водство 21:22. Предноста Вардар повеќе не ја испушти.
Во последните три минути Мораеш со два гола го обезбеди триумфот, кој го запечати Криштопанс.
Во наредната рунда, Вардар во Скопје, ќе го пречека Рајн Некар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.