Европа
Десетина сепаратисти влегоа во владината зграда и го отстранија шпанското знаме
Повеќе од десетина приврзаници на идејата за независност на Каталонија насилно влегоа во зградата на владиното претставништво во градот Гирона.
Тие го отстранија шпанското знаме и го поставија она што ја симболизира независноста.
Медиумите пренесуваат дека лицата на некои од активистите биле прекриени со марама, а нивниот влез не успале да го спречат полицајците и припадниците на обезбедувањето.
„Каде е сега премиерот Педро Санчез? Дали вака во Германија може да се влегува во институции? Сепаратистите ја претвораат Каталонија во територија на беззаконие“, изјави Алберт Ривера, лидер на партијата Граѓани, која поддржува целовитост на Шпанија.
Се наведува дека претходно друга група ја зазела локалната железничка станица и седејќи на пругите, го стопирала сообраќајот.
Десетици илјади Каталонци се собраа денеска во центарот на Барселона во знак на обележување на првата годишнина од референдумот за независноста, кој шпанските власти го прогласија за нелегален, а демонстрантите накратко се обидоа и да ги блокираат патиштата и пругите во овој регион на Шпанија.
Girona city now #WeVotedWeWon people is demanding to implement the #CatalanRepublic pic.twitter.com/TTcsbOI5sG
— Help Catalonia ? (@CataloniaHelp2) October 1, 2018
Голем број студенти на централниот градски плоштад го вееја знамето на Каталонија и извикуваа: „Први октомври нема да го простиме, нема да го заборавиме“, пренесе „Ројтерс“.
Недалеку оттаму други демонстранти испукаа огномет и димни бомби.
Поранешниот каталонски лидер, Карлос Пучдемон, изјави дека луѓето од Каталонија треба да останат обединети во борбата за остварување на нивната цел – да се отцепат од Шпанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.