Македонија
Руското МНР: НАТО и ЕУ брзаат да го внесат Скопје во алијансата независно од ставот на населението
Поддршката за резултатите од референдумот во Македонија од страна на Европската Унија и НАТО говори за желбата да се обезбеди забрзан влез на Скопје во алијансата независно од ставот на населението, велат од Министерството за надворешни работи на Русија, пренесува „РИА новости“.
„Одѕивот од 36,8 проценти не дозволува да се признае референдумот за легитимен и недвосмислено сведочи дека македонските избирачи одлучија да бојкотораат однадвор грубо наметнати решенија во Скопје и Атина. Водечки политичари од земјите членки на НАТО и ЕУ непосредно учествуваа во пропагандната кампања и без да се срамат се мешаа во внатрешните работи на оваа балканска земја“, се вели во коментарот на руското МНР.
Русија смета дека иако дветретини од македонското население не го поддржале договорот од Преспа, резултатите од гласањето веднаш биле поздравени од страна на раководството на ЕУ и НАТО, како и од страна на Вашингтон.
„Постои стремеж да се осигура дека Скопје бргу ќе биде внесено во НАТО, без да се земе предвид мислењето на македонскиот народ. Нашата позиција останува непроменета: долгорочно решение може да се пронајде само од самите земји, без мешање однадвор и исклучиво во рамките на правната област со широка јавна поддршка. Преспанскиот договор не ги исполнува овие критериуми“, велат од Министерството.
Во соопштението на руското МНР се додава дека договорот е спротивен на меѓународното право и македонскиот Устав.
„Русија како постојана членка на Советот за безбедност на ОН внимателно го следи развојот на ситуацијата. Поагајќи од точката 3 од Резолуцијата 845 на Советот за безбедност на ОН, резултатите од преговорите меѓу Скопје и Атина треба да бидат разгледани во СБ на ОН“, констатира руското МНР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.