Спорт
ЛШ: Клучен меч за Јунајтед и Мурињо
Вечерва ќе се одиграат натпреварите од второто коло во Лигата на шампионите, во групите Е, Ф, Г и Х. Фокусот на медиумите ќе биде во Манчестер, каде на „Олд Трафорд“ Јунајтед ќе ја пречека Валенсија.
Манчестер јунајтед го има најлошиот старт во Премиер…
Вечерва ќе се одиграат натпреварите од второто коло во Лигата на шампионите, во групите Е, Ф, Г и Х. Фокусот на медиумите ќе биде во Манчестер, каде на „Олд Трафорд“ Јунајтед ќе ја пречека Валенсија.
Манчестер јунајтед го има најлошиот старт во Премиер лигата во последните 30 години. Четири порази во првите седум кола и елиминацијата од Дерби каунти во Лига купот, сериозно му ги разнишаа позициите на менаџерот Жозе Мурињо, кој целосно ја има загубено довербата кај своите играчи.
Шпекулациите се дека во Јунајѕед му подготвуваат отказ на Потугалецот, дури и доколку победи вечерва против Валенсија и во наредниот дуел во Премиер лигата против Њукасл.
„Секогаш е тешко кога ќе изгубите, а особено е тоа тешко доколку сте играч на вака голем клуб. Не е лесно, но таков е животот. Свесни сме дека не бевме добри на последните натпревари. Сите работиме да го решиме проблемот. Сите сме одговорни. Разговаравме и јасно ние дека ситуацијата е лоша. Менаџерот се обидува да ја сврти целата ситуација во наша корист, а предизвикот е уште поголем бидејќи сите сакаат да го победат Јунајтед. Притисокот постои, но не се исплашени“, рекол на прес конференцијата пред мечот со Валенсија, српскиот репрезентативец Немања матиќ.
Група Е:
21.00 АЕК-Бенфика
21:00 Баерн Минхен-Ајакс
Табела: Ајакс 3, Баерн 3, Бенфика 0, АЕК 0
Група Ф:
18.55 Хофенхајм-Манчестер сити
21.00 Лион-Шахтјор
Табела: Лион 3, Шахтјор 1, Хофенхајм 1, Манчестер сити 0
Група Г:
21.00 ЦСКА Москва-Реал Мадрид
21.00 Рома-Викторија Плзењ
Табела: Реал 3, Викторија 1, ЦСКА 1, Рома 0
Група Х:
18.55 Јувентус-Јанг Бојс
21.00 Манчестер јунајтед-Валенсија
Табела: Јувентус 3, Манчестер јунајтед 3, Јанг Бојс 0, Валенсија 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баер со триумф во Купот стави точка на неверојатната сезона
Баер Леверкузен е победник на Купот на Германија за сезоната 2023/2024. и освојувач на „двојната круна“ во германскиот фудбал, откако претходно на доминантен начин ја освои и Бундес лигата.
Избраниците на Чаби Алонсо беа подобри од второлигашот Кајзерслаутерн во финалето на Олимпискиот стадион во Берлин со 1:0.
Ова беше петто финале за „фармацевтите“ и втора титула во Купот, прва по 1993 година.
Леверкузен ја комплетира чудесната сезона, која во сите натпреварувања ја заврши со еден пораз. Баер одигра 53 натпревари во сите конкуренции и загуби само еднаш, во средата од Аталанта во финалето, во Лига Европа.
Победата во финалето против Кајзерслаутерн ја изборија со голот на Џака во 16.минута, а потоа покажаа квалитет кога успеаја да ја одбранат бидејќи од 44.минута играа со фудбалер помалку на теренот.
Спорт
Тен Хаг: Ако Јунајтед не ме сака, ќе одам на друго место да освојувам трофеи
Манчестер јунајтед го освои ФА Купот откако во големото финале на Вембли го совлада Манчестер сити со 2:1. За Јунајтед ова е прв триумф во ФА купот по 2016 година, вкупно 13. во клупската историја.
Ерик Тен Хаг, го освои првиот тофеј како менаџер на Манчестер јунајтед. И покрај победата во ФА купот не е сигурно дека Холанѓанецот и наредната сезона ќе биде менаџер на Јунајтед. го коментираше натпреварот.
„Ако Јунајтед повеќе не ме сака, ќе одам на друго место за да освојувам трофеи. Тоа е она што го правам цела моја кариера“, рече Тен Хаг.
Како можни наследници на Тен Хаг се споменуваат Киеран Мекена од Ипсвич Таун, Роберто Де Зерби кој неодамна објави дека го напушта Брајтон и Томас Тухел кој си замина од Баерн на крајот на сезоната.
Спорт
МЗТ ја одбрани шампионската титулата
Foto/ facebook.com/kkmztskopje
МЗТ Скопје ја освои петтата последовна титула, 11. титула во клупската историја. Финалната серија против Пелистер, МЗт ја доби со 3:0. По двете победи на домашен терен, МЗТ вечерва победи во Битола со 78:67.
Пелистер се обиде да ја продолжи серијата, да се избори и за четврти натпревар, но кошаракарите на Радуловиќ имаа сила да му се спротивстават на шампионот само 24 минути.
По релативното израмнето прво полувреме, Пелистер во 23.минута ја стекна највисоката предност 50:43 и тука застана. МЗТ одговри со серија 11:0, минусот го претвори во плус од четири поени.
Во последната четвртина МЗТ му дозволи на Пелостер само два поени во првите шест минути игра, а кога Баковиќ со две тројки ја крена разликата на 16 поени беше јасно дека МЗТ ќе ја одбрани титулата.
Најефикасни во тимот на МЗТ беа Баковиќ и Гилон со по 15 поени, 11 кошеви постигнаа Делалиќ и Петков. Пелистер го предводеа Мијовиќ и Костоски со по 19 поени.