Регион
Шешељ: Слободата ќе трае додека ја соборам власта
Претседателот на Српската радикална партија Воислав Шешељ, кој во среда пристигна во Белград, во седиштето на партијата во Земун изјави дека сака што поскоро да ги собори од власт претседателот Томислав Николиќ и премиерот Александар Вучиќ кои ги нарече предавници.
Тој изјави дека Хашкиот трибунал „брутално го исфрлил“ од притвор, бидејќи сакале што поскоро да се ослободат од него.„Браќа Срби и сестри Србинки, Хаг на брутален начин ме исфрли од темницата во Шевенинген. Ниту го барав тоа од нив, ниту поставуваа било какви услови. Само сакаа што поскоро да се ослободат од мене“, изјавил Шешељ.Лидерот на радикалите вели дека ќе биде на слобода додека не ја собори сегашната власт.„Рекоа дека ме пуштаат на привремена слобода, а тоа привремено ќе трае сè додека не ги соборам од власт Томислав Николиќ и Александар Вучиќ, нашите предавници кои се одрекоа од идеологијата на српскиот национализам и станаа слуги на западните сили“, изјавил Шешељ, обраќајќи им се на приврзаниците од балконот на седиштето на партијата.Пред илјадниците приврзаници, Шешељ Хашкиот трибунал го нарече глобален ѕвер кој и понатаму ги уништува животите на српските политички и воени лидери.„Ветив дека ќе го растурам Трибуналот. „Борбата траеше подолго отколку што очекував, но на победата во заби не и се гледа“ порача Шешељ.Според него, актуелната власт не презема ништо за да им помогне на останатите Срби во Хашкиот трибунал. „Ним (на Србите во Хаг) им се суди затоа што се нешто највредно што го имал српскиот народ во текот на деведесеттите години. Повеќето од нив, не направиле никакви злосторства, а на нашите генерали им судат затоа што ја бранеа татковината“, рекол Шешељ.Тој оцени дека Владата на Србија праќала министри и советници во Хаг не за да го оспорат тој суд и да им помогнат на обвинетите Срби, туку да и ги „замачкаат очите“ на јавноста во Србија.Шешељ најави дека во четврток во 12 во седиштето на партијата ќе биде организирана конференција за новинари, а митинг ќе има во сабота. /крај/бе/бл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Загреб падна замрзнат дожд
Поради најавените ниски температури и замрзнат дожд, за кои Државниот хидрометеоролошки завод издаде портокалово предупредување, постои ризик од формирање мраз на тротоарите и други површини во Загреб, објави Градот Загреб, пренесува Индекс.хр.
Градот известува дека возилата на Зимската служба на Загребските патишта превентивно ги посолуваат патиштата во областа на Загреб.
Градот Загреб апелира до сите учесници во сообраќајот, возачи и пешаци, да ги прилагодат своите движења на тешките и потенцијално опасни временски услови. На возачите им се препорачува да избегнуваат непотребно патување, да возат побавно со поголем растојание помеѓу возилата, да избегнуваат нагло сопирање и забрзување и да користат зимска опрема и соодветни гуми. Посебна претпазливост е потребна на мостовите, надвозниците и кривините.
Пешаците се повикуваат да бидат дополнително внимателни, да се движат побавно, да носат соодветни обувки и да избегнуваат замрзнати површини секогаш кога е можно.
фото/депозитфотос
Регион
Поплави во Драч: евакуирани 180 лица, поплавени околу 800 домови
Министерот за одбрана на Албанија Пиро Венгу го свика Комитетот за цивилни вонредни ситуации за регионот Драч поради поплавите, каде состојбата е најкритична. Според него, поплавени се околу 800 домови, а 180 лица се евакуирани.
Венгу информира дека сите надлежни структури се на терен и дека состојбата континуирано се следи, додека опасноста сè уште не е помината. Институтот за геолошки науки предупреди дека и денеска се очекуваат интензивни врнежи од дожд, со можност за дополнително зголемување на поплавите.
Фото: илустрација (ЕПА)
Регион
Обилните дождови ги затворија патиштата во Црна Гора, се заканува раст на Скадарското Езеро
Неколку патишта беа затворени низ Црна Гора денес поради обилни врнежи од дожд во изминатите 24 часа. Водата се заканува и на бројни домови, а се очекува нивото на водата на Скадарското Езеро да се зголеми во текот на ноќта кон среда.
Црногорското Министерство за внатрешни работи објави дека последиците од обилните врнежи од дожд се регистрирани во општините Никшиќ, Даниловград, Мојковац, Бијело Поље, Улцињ, Плевља, Подгорица, Колашин и Беране.
„Поради лизгање на земјиштето и излевање на реките, сообраќајот е прекинат на неколку патни правци“, се вели во соопштението на црногорското Министерство за внатрешни работи.
Според најновите информации од 15 часот, нивото на водата на сите реки се намалува, освен на реката Зета и Скадарското Езеро, кое Црна Гора го дели со Албанија. Околу две третини од ова езеро, најголемо на Балканот, ѝ припаѓа на Црна Гора, а една третина на Албанија.
Во текот на ноќта се очекува нивото на водата на Скадарското Езеро да се зголеми поради контролираното испуштање вода од хидроелектраните на реката Дрим, кое го спроведува албанската страна.
Албанскиот премиер Еди Рама претходно во вторник изјави дека, поради зголемениот проток на реката Дрим, започнале контролирани испуштања вода од хидроелектраните што би можело да доведе до ненадејно зголемување на нивото на Скадарското Езеро.

