Регион
Вучиќ за „Вашингтон пост“: Пријатели ни се и Русите и Европејците
Српскиот претседател, Александар Вучиќ, во интервју за „Вашингтон пост“ вели дека Србија ги смета за вистински пријатели и Русите и Европејците, но напоменува дека Москва била на страната на Белград во Советот за безбедност на ОН, кога другите не биле.
На прашањето дали Србија е подготвена да ѝ воведе санкции на Русија ако стане членка на ЕУ, Вучиќ истакна дека Србија не само што има регулиран и нормален став туку има и единствен одбранбен став, а тоа според него значи дека Србија е на пат кон ЕУ и сака да припаѓа на европското општество.
„Тоа е приоритет, од најголемо значење за нас. Сакаме да бидеме дел од ЕУ како организација на 27,28 членки, која е најголем блок на мирот и стабилноста. Исто така, тоа ќе ни помогне да ја одржиме стабилноста и да продолжиме со реформите во различни прашања, вклучително и за борбата против корупцијата. Тоа е она што ни треба“, рекол Вучиќ.
Од друга страна, пак, укажува на тоа дека Србија го има прашањето за Косово, кое, како што вели, го толкува на различни начини, но Косово е присутно во сите преговарачки поглавја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик: БИХ е последната колонија во Европа
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.