Бразилците в недела ќе се упатат на претседателските избори на кои главната битка ќе се води меѓу Фернандо Адад, левичар кој собира успеси благодарение на харизмата на поранешниот претседател Лула, и крајниот десничар Жаир Болсонаро (63), чија популарност предизвикува загриженост за стабилноста на демократијата во земјата. Резултатот е тешко да се предвиди.

Ако победи поранешниот воен капетан Болсонаро, Бразил ќе добие претседателот кој е најголем десничар во историјата, велат експертите.

Овој 63-годишник води во анкетите за јавното мислење, но сериозна конкуренција му е Фернандо Адад (55). Поранешниот градоначалник на Сао Паоло ја замени Лула да Силва како кандидат за левоориентираната Лабуристичка партија (ПТ) откако поранешниот претседател заврши во затвор поради обвиненија за корупција.

За претседател се натпреваруваат 13 кандидати. Покрај Адад и Болсонарo, уште трojца имаат шанса да добијат повеќе од 10 проценти во првиот круг. Кандидатите сигурно ќе мора да одат и во втор круг, кој ќе се одржи на 28 октомври.