Спорт
СОС Детско село ја доби наградата од Фондацијата за деца на УЕФА за проектот Football is power

Денеска во просториите на Фудбалската федерација на Македонија се одржа прес-конференција по повод наградата од Фондацијата за деца на УЕФА доделена на СОС Детско село Македонија за проектот Football is power.
Европската фудбалска Асоцијација (УЕФА) ја препозна и прифати иницијативата на
Фудбалската федерација на Македонија, СОС Детско село – Македонија да добие награда од Фондацијата за деца на УЕФА во износ од 50 000 евра наменети за развој на спортските активности за децата од СОС Детско село Македонија.
Во соопштенеито од СОС Детско село се посочува дека на почетокот од оваа година, УЕФА преку својата фондација за деца побарала од 55 национални асоцијации да номинираат организација од нивната земја што исполнува зададени критериуми, а чија работа е од особена важност за децата од социјално ранливи категории, Фудбалската федерација на Македонија со оваа номинација потврдува дека ја препозна и ја поддржа нашата работа, изјави Зорица Серафимовска Арсовска, претседател на УО на СОС Детско село.
„Ние веќе 17 години посветено работиме и се грижиме за децата без родители и родителска грижа во нашата земја.Нашата работа и мисија се поклопуваат во една многу важна работа, нашата работа е да менуваме животи, а вашата да обезбедите исто така подобра иднина за децата и младите преку спортот, односно фудбалот.
Исто така, анализите докажуваат дека физичката активност го подобрува и психичкото здравје, што е важно за секој млад човек, а посебно за деца и млади кои поминале низ многу предизвици во животот, благодарност до Фудбалската федерација на Македонија“, изјави Зорица Серафимовска Арсовска.
„Спортот игра клучна улога во правилниот раст и развој на секое дете. Раното откривање на спортскиот потенцијал е појдовна основа за тоа како детето понатаму ќе се развива на спортски професионален план. Преку тимскиот спорт се учи тимска работа, делење, самодисциплина, лидерство, толеранција и фер-плеј. Ви благодариме на довербата, многу талентирани дечиња ќе имаат можност да се развијат во големи фудбалски ѕвезди“, изјави Јулијана Гапо, национален директор на СОС Детско село.
Фудбалската федерација на Македонија секогаш се труди да има активна улога во
општеството, давајќи придонес во проекти и активности што ја истакнуваат нашата социјална одговорност. Така било отсекогаш, а со радост ќе ги продолжиме сличните активности и во иднина, беше пораката што ја испрати в.д. претседателот на ФФМ.
Муамед Сејдини додава дека исклучително им е драго што токму СОС Детското село ја доби наградата од Фондацијата за деца на УЕФА во износ од 50 000 евра, средства што ќе ги инвестираат во понатамошен развој на спортските активности на децата.
Генералниот секретар на Фудбалската федерација на Македонија, Филип Поповски, пак, во своето обраќање ја истакна една од суштинските заложби на ФФМ, како социјално одговорна организација која придонесува преку фудбалот да се збогати квалитетот на живот на деца од социјално ранливи категории.
„Ние искрено се надеваме дека со реновирањето на спортското игралиште ќе се поттикнат и инспирираат повеќе деца што живеат таму да уживаат во играњето фудбал. Во рамки на нашата фудбалска академија досега имавме двајца млади фудбалери кои ни доаѓаа од СОС Детско село, а со овој проект ќе бидеме среќни ако тој број се зголеми. Благодарност што заеднички ќе реализираме една подолгорочна соработка“, изјави генералниот секретар на ФФМ, Филип Поповски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Езе преферира трансфер во Тотенхем

Еберечи Езе, најдобриот играч на Кристал Палас, до крајот на преодниот рок ќе го напушти клубот.
Офанзивниот фудбалер од редот за врска, според англиските медиуми, веќе се договорил со Тотенхем.
Езе изразил желба да го напушти клубот и не се очекува да биде во составот за натпреварот против Челзи во недела. Палас е свесен за ситуацијата и веќе на пазарот бара замена за Езе.
Англичаните пишуваат дека во наредните денови може да има сериозен конфликт помеѓу играчот и клубот доколку Палас не го договори трансферот.
Фото/ Принтскрин
Спорт
Алкарас го престигна Федерер, следна мета му е Ѓоковиќ

Шпанскиот тенисер Карлос Алкараз го престигна Роџер Федерер по процент на победи на Мастерс турнирите.
Алкараз го победи Рубљов во четвртфиналето во петокот и се пласираше во ново полуфинале на турнирите од Мастерс серијата.
Ова беше неговата 82-ра победа во кариерата на Мастерс турнирите, има скор од 82-23, односно победил на 78,1% од мечевите.
Тој го престигна Федерер, кој моментално беше трет на листата на сите времиња (од 1990 година, минимум 10 одиграни натпревари). Швајцарецот ја заврши кариерата со 77,9 проценти.
Пред Алакрас се уште рекордерот Рафаел Надал, кој има 82%, и Новак Ѓоковиќ, кој е веднаш зад него со 81,5%.
Алкараз во ноќта помеѓу сабота и недела, кога ќе игра против Саша Зверев во полуфиналето на Мастерсот во Синсинати.
Фото/ Принтскрин
Спорт
Бецеки на пол-позицијата во Австрија

Возачот на Априлија, Марко Бецеки, ја освои пол-позицијата на Големата награда на Австрија.
Ова е првата пол-позиција на Италијанецот од 2023 година иа Големата награда на Индија, а пол-позицијата ја освои со најбрзиот круг 1:28.060.
Бецеки на тој начин ја донесе пол-позицијата на Априлија по малку повеќе од година и пол.
Имаше и други изненадувања, Алекс Маркез го освои второто место, а Франческо Бањаја трето.
Меѓу првите 10 беа и Марк Маркез, Енеа Бастијанини, Фермин Алдегер, Педро Акоста, Раул Фернандез и Жоан Мир.
Спринт трката се вози од 15 часот, а главната трка е закажана за недела со почеток во 14 часот.
Marco Bezzecchi takes his first pole since 2023 ahead of @alexmarquez73 and @PeccoBagnaia 🙌#AustrianGP 🇦🇹 pic.twitter.com/XTyYZFyWI5
— MotoGP™🏁 (@MotoGP) August 16, 2025