Македонија
МЕР: Подготвени сме да ги сослушаме граѓанските здруженија за градежните активности на Водно
По бурните реакции на еколошките здруженија во врска со продолжението на градежните активности на Водно, од АД Македонски енергетски ресурси (МЕР) објавуваат дека се отворени за разговор и дека ги повикуваат граѓанските здруженија на конструктивен разговор во наредните денови.
Од МЕР сметаат дека на овој начин ќе се разјаснат недоразбирањата и ќе бидат одговорени сите прашањата кои создаваат недоречености.
Оттаму претходно соопштија дека новата фаза на градежни активности на Водно во врска со магистралниот гасовод е стартувана од почетокот на неделава.
Од друга страна, активистите тврдат дека во понеделникот на Водно немало отпочнати градежни работи.
Иницијативата „Го сакам Водно“ наведува дека со претходните разговори со властите не била одредена официјална дата за отпочнување на градежните работи, но клучно било отстранување на сите недостатоци поради нерегуларности поврзани со обележување на теренот каде се копа, но и поради дозволите кои МЕР требало да ги обезбеди.
Како што велат оттаму, институциите остануваат глуви на сите аргументи, а Вондо и натаму се силува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.