Спорт
Меси во 2020 може да замине „бесплатно“ од Барса
Лионел Меси може да си замине од Барселона за помалку од 18 месеци, а каталонскиот клуб прави сѐ во нивна можност да го осигураат со нов договор.
31-годишниот Аргентинец има договор со клубот од „Ноу Камп“ до 2021 година, но сега „Ел мундо депортиво“ п…
Лионел Меси може да си замине од Барселона за помалку од 18 месеци, а каталонскиот клуб прави сѐ во нивна можност да го осигураат со нов договор.
31-годишниот Аргентинец има договор со клубот од „Ноу Камп“ до 2021 година, но сега „Ел мундо депортиво“ пронајде изненадувачки дел во неговиот договор. Според весникот, Лео има „специјална клаузула“ во договорот со кој може да замине бесплатно во 2020 година, но само да се приклучи на „неелитен“ клуб. Ова значи дека тој може да замине како легендите на Барса, Чави и Андрес Иниеста – Чави игра во Катар, а Иниеста во Јапонија.
Меѓутоа, бордот на Барселона се обидува да склучи нов долгогодишен договор со Меси, со кој тој би останал во Каталонија барем до 2023 година, кога би имал 36 години. Желбата е Аргентинецот да биде „човек од еден клуб“ и да се пензионира во Барселона.
Во обновениот договор на Меси има клаузула за прекин на договорот вредна 700 милиони евра во обид да се спречи клуб како Пари Сен-Жермен да дојде и да го откупи неговиот договор, како што направија со Нејмар за рекордни 222 милиони евра.
Меси веќе кажа дека би сакал да игра во Барселона сѐ додека може на највисоко ниво, иако додава дека сонува пак да заигра за клубот од детството Њуел олд бојс. Неодамна, Дејвид Бекам најави дека сака да го види Меси во неговиот нов МЛС клуб, Интер Мајами.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пораката на Чави до идниот тренер на Барселона…
Синоќа фудбалерите на Барселона ја победија Севиља со 2:1 во последното коло од Ла Лига. Овој натпревар беше последен за Чави на клупата на Барселона. По натпреварот Чави не криеше колку е разочаран што доби отказ само неколку дена откако објави дека ќе остане во клубот.
Чави Ернандез (44) проживеа нестварни девет месеци во „својата“ Барселона.
Во тој период, претседателот на клубот Џоан Лапорта го убеди да го продолжи договорот, потоа да се повлече од клупата на крајот од сезоната и да му ги прости долговите на клубот, а кога го направи тоа, поради една изјава која не му се допадна на Лапорта, клубот му врачи отказ, со барање да си соти на зборот дека нема да има никакви побарувања.
Без разлика што Лапорта јавно го понижи, а потсетуваме дека како играч одигра 767 натпревари за Барселона,Чави не сакаше да каже ниту еден лош збор за клубот и претседателот.
На прашањето дали ќе ги прости долговите, тој само рече:
„За мене зборот е закон“.
Потоа, откако последен пат ја предводеше Барселона како тренер, имаше порака за новиот тренер.
„Би сакал да му порачам на идниот тренер дека многу ќе страда и затоа мора да биде трпелив. Ова е многу непријатна позиција. Единствено константинете победи ќе му ја спасат работата“.
Шпанските медиуми пишуваат дека Ханси Флик денеска треба да пристигне во Барселона за да ги договори останатите детали од договорот.
Германскиот стручњак ќе потпише двегодишен договор и се согласил на помала плата од онаа на Чави. Флик во наредните денови треба и официјално да биде претставен како нов тренер на каталонскиот клуб.
Спорт
Се ближи крајот на ерата на Гвардиола во Манчестер сити
Пеп Гвардиола и наредната сезона ќе го предводи Манчестер сити, а пооа ќе го напушти клубот. Гвардиола во Сити притигна во 2016 година, освои шест титули во последните седум години и постави рекорд во Премиер лигата, откако неговиот тим четири пати во низа е шампион на Англија.
„Реалноста е дека поблиску сум до заминување отколку да останам. Зборував со клубот и сега чувствувам дека сакам да останам. Останувам следната сезона, тоа е сигурно. Но во текот на сезоната ќе разговараме. Овде сум во клубот осум, девет години… Ќе видиме што ќе биде понатаму“, рече Гвардиола.
„Дејли Мејл“, открива дека неговиот договор истекува во јуни 2025 година и дека нема да потпише нов. Според овој извор наредната сезона ќе иде последна за Гвардиола на „Итихад“.
Гвардиола досега го предводел Сити на 472 натпревари. Оствари 349 победи, 57 нерешени и 66 порази. Шест пати беше шампион во Премиер лигата, а во сезоната 2022/23. на клубот му го донесе и првиот трофеј во Лигата на шампионите.
Спорт
(Видео) Дончиќ и Ирвинг незапирливи, Далас на чекор до пласман во големото финалето
Далас Маверикс една победа ги дели од пласман во големото финале во НБА лигата. Третиот меч од финалето на Западот, прв на домашен терен, го доби со 116:107.
Далас со серијата 14:3 дојде на победа од пласман во првото конференциско финале по пауза од 13 години. Ниту еден тим во досегашните 154 серии не испуштил предност од 3-0. Само четири тима успеале да изедначат на 3-3 но не и да ја добијат „мајсторката“.
Маверикс ги предводеа Лука Дончиќ и Кајри Ирвинг, двајцата постигнаа по 33 поени, Дончиќ додаде седум скока, пет асистенции и исто толку украдени топки, додека Ирвинг имаше три скока, четири асистенции и една украдена топка.
На спротивната страна најефикасен беше Ентони Едвардс со 26 поени, Мајк Конли постигна 16, Џејден МекДаниелс поен помалку, а Карл-Ентони Таунс и Наз Рид постигнаа по 14 поени.
Четвртиот натпревар на програмата е во среда од 2.30 часот по средноевропско време, домаќин ќе биде Минесота.