Спорт
Тјери Анри се врати дома – стана тренер на Монако
Најдобриот стрелец во историјата на француската репрезентација и легенда на Арсенал, Тјери Анри стана нов тренер на Монако, кои го отпуштија Леонардо Жардим минатата недела по мизерните резултати.
За Анри ова е враќање каде што ја започна својата карие…
Најдобриот стрелец во историјата на француската репрезентација и легенда на Арсенал, Тјери Анри стана нов тренер на Монако, кои го отпуштија Леонардо Жардим минатата недела по мизерните резултати.
За Анри ова е враќање каде што ја започна својата кариера и каде што играше од 1994 до 1999 година и тој има тригодишен договор до јуни 2021 година. Анри досега беше помошник на белгискиот селектор Роберто Мартинез, а сега се наоѓа во интересна ситуација да биде тренер на Монако, додека на ривалскиот клуб Ница тренер е неговиот поранешен соиграч Патрик Веира.
„Благодарам на Монако што ми дадоа шанса да станам тренер на овој посебен клуб за мене. Пресреќен сум што се враќам во Монако и подготвен сум за предизвиците“, вели Анри.
Excited to see @ThierryHenry face the task of managing his boyhood club #Monaco , will be a good task for him, what does everyone else think? pic.twitter.com/HoAvQH76Lt
— Jacob Chick (@Jacob_Chick) October 13, 2018
Тој нема тренерско искуство, но работеше како асистент на Мартинез од 2016 и беше дел од Атимот со кој стигна до третото место на СП во Русија. Анри претходно ја одби понудата од Бордо, а беше во игра и да дојде во Астон вила.
Монако нема победа во 10 меча во низа, и првата задача за Анри ќе биде да го врати тимот во конкурентна позиција, откако последните пет сезони беа во топ 3, а во 2017 година ја освоија титулата.
„Тјери е свесен за предизвикот пред него. Тој може да смета на нашата доверба и поддршка за воведување на нова динамика во клубот. Неговото познавање на спортот, страста кон фудбалот и посветеноста го направија изборот лесен“, вели директорот на клубот, Вадим Василјев.
?@ThierryHenry nommé entraîneur de l’AS Monaco
Communiqué ➡ https://t.co/yp900aiWDT#ForeverMonaco pic.twitter.com/VVNaiI1xFL
— AS Monaco ?? (@AS_Monaco) October 13, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рубљов го освои Мастерсот во Мадрид
Рускиот тенисер Андреј Рубљов победи на Мастерсот во Мадрид.
Рубљов во финалето го совлада Канаѓанецот Феликс Оѓер-Алиасим по три сета, со пресврт 4:6, 7:5, 7:5 по два часа и 49 минути игра.
Рускиот тенисер во главниот град на Шпанија ја освои втората титула од серијата 1000, а воедно осмиот тенисер во светот стана првиот во кариерата кој победил на Мастерсот во Мадрид и во сингл и во двојки.
Русинот лани во Монте Карло го освои првиот трофеј на турнирите од серијата 1000, а за 27-годишниот Русин ова е 16. титула во кариерата, втора во 2024 година.
Спорт
Димитријевиќ од следната сезона ќе игра во Евролигата
Три клуба од Евролигата покажале сериозен интерес за најдобриот македонски кошаркар, Ненад Димитирјевиќ.
Димитријевиќ неодамна ја доби наградата за МВП во регуларниот дел од сезоната, во ВТБ лигата. Сезоната ја заврши со просек од 19 поени, 6,6 асистенции, 3,6 скока и 1,3 украдени топки по натпревар.
Пред две недели турнските медуми објавија дека Фенербахче е сериозно заинтересиран за Димитријевиќ. Во неделата, се појави информацијата на „Република Болоња“ дека за Македонецот се интересираат најдобрите италијански тимови, Олимпија Милано и Виртус Болоња.
Извесно е дека Димитријевиќ следната сезона ќе го гледаме во Евролигата.
Спорт
Хаос во Берлин, повредени 155 полицајци
Најмалку 155 полицајци се повредени во нереди на навивачите на натпреварот меѓу Динамо Берлин и Енерџи Котбус во германската четврта лига, соопшти берлинската полиција.
Полицијата соопшти дека при вдишување на солзавецот испукан од полицијата за да се спречат немирите се повредени 43 градски и 73 федерални полицајци, телесно се повредени 28 федерални полицајци, а 11 од нив се здобиле со рани од пиротехнички средства.
Tog en promenad till Hohenschönhausen för att se BFC Dynamo – Energie Cottbus med ett gäng norrmän. Stökigt både under och efter match. pic.twitter.com/NwSCp3xSeZ
— Ryström | hahohe (@rystromj) May 4, 2024
„Билд“ наведува дека се уапсени 74 навивачи, а против 62 е поднесена кривична пријава, меѓу другото, за „нарушување на мирот, физички напади врз органите на прогонот и давање отпор при апсење“.
Натпреварот беше прекинат во 20. минута поради тепачка на трибините, при што навивачите на Динамо запалија шалови и знамиња со симболите на ривалскиот тим.
Во соопштението се додава дека навивачите пукале со пиротехнички средства кон полициските сили и редарите кои стоеле во близина на теренот, по што припадници на безбедносните сили влегле на трибините и се обиделе да ги приведат навивачите.
04.05.2024🇩🇪BFC Dynamo away against Energie Cottbus https://t.co/Fjy3xrlEmQ pic.twitter.com/8Cbjf0lsh1
— Hooligans.cz Official (@hooliganscz1999) May 4, 2024
Енерџи Котбус победи со 2:0, а судирите меѓу навивачите продолжија и по натпреварот, пишува „Билд“. Котбус остана лидер во поредокот на две кола пред крајот, со два бода повеќе од Грајсвалд, со големи шанси за враќање во третата лига.