Спорт
АТП: Ѓоковиќ на чекор до првото место
Новак Ѓоковиќ по освоената титула на мастерсот во Шангај му се доближи на Рафаел Надал на само 215 бода. До крајот на сезоната Србинот ќе ја напаѓа првата позиција на која се наоѓа Шпанецот.
Ѓоковиќ од грен слем турнирот во Вимблдон игра во голема форм…


Новак Ѓоковиќ по освоената титула на мастерсот во Шангај му се доближи на Рафаел Надал на само 215 бода. До крајот на сезоната Србинот ќе ја напаѓа првата позиција, на која се наоѓа Шпанецот.
Ѓоковиќ од грен-слем турнирот во Вимблдон игра во голема форма. По Вимблдон, ги освои мастерсот во Синсинати и грен-слемот во Њујорк, а по четвртата титула во кариерата во Шангај реални си ги направи шансите да биде број 1 на АТП-листата на крајот од сезоната.
Надал е прв на АТП-листата, но Шпанецот не игра од грен-слемот во Њујорк поради повреда на коленото.
Инаку, до карајот на сезоната двајцата ќе одиграат уште два турнира, мастерсот во Париз и завршниот мастерс во Лондон.
Минатата година Ѓоковиќ не играше во овој дел од сезоната, поради што на двата турнира не брани ниту еден поен. Ниту Надал не брани премногу поени, лани на овие турнири освои 170 бода.
Значи, кој ќе забележи подобри резултати на овие два турнира тој сезоната ќе ја заврши на првото место.
На најновата АТП-листа во Топ 10 има само една промена, Ѓоковиќ го мина Федерер на второто место, додека останатите ги задржаа своите позиции.
АТП, Топ 10:
1. Рафаел Надал (Шпанија) – 7.660 бода
2. Новак Ѓоковиќ (Србија) – 7.445
3. Роџер Федерер (Швајцарија) – 6.260
4. Хуан Мартин дел Потро (Аргентина) – 5.860
5. Александар Зверев (Германија) – 5.025
6. Марин Чилиќ (Хрватска) – 4.185
7. Доминик Тим (Австрија) – 3.825
8. Кевин Андерсон (Јужна Африка) – 3.775
9. Григор Димитров (Бугарија) – 3.440
10. Џон Изнер (САД) – 3.290
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Каспер Руд: Тешко е да се игра кога сè околу тебе мириса на марихуана

Норвешкиот тенисер Каспер Руд коментираше дека мирисот на марихуана многу му пречи на Отвореното првенство на САД.
Откако употребата на марихуана беше легализирана во Њујорк во 2021 година, Отвореното првенство на САД речиси секоја година го следи истата приказна – тенисерите се жалат на мирисот што доаѓа од трибините и околу терените.
Каспер Руд се пласираше во второто коло на Ју-ес опен со победата над Офнер со 6:1, 6:2, 7:6 (5) по помалку од два часа игра, а моментално 13-от играч во светот призна дека таквата атмосфера сериозно му пречи додека се наоѓа на теренот..
„Најголема деградација на турнирот во Њујорк е што сега сè мириса на марихуана. Дури и во објектите на турнирот. Мора да се помирите со тоа, но тоа не е мојот омилен мирис“, рече Руд.
Тој додаде дека проблемот е особено изразен за време на натпреварите.
„Навистина е иритирачки кога ќе излезете на теренот и ќе почувствувате мирис на некој што пуши џоинт. Не е забавно за играчите, особено кога сте уморни и мора да го вдишувате тој мирис. За жал, не можеме ништо да направиме додека не се промени законот, а се сомневам дека тоа ќе се случи“, нагласи Норвежанецот.
Спорт
Лукас Васкез се сели во Леверкузен

Шпанскиот десен бек Лукас Васкез (34) денес треба официјално да стане нов играч на Баер Леверкузен. Фабрицио Романо напиша: „Постигнат е договор со поранешниот десен бек на Реал Мадрид, кој доаѓа во Баер како слободен агент. Лекарските прегледи веќе се извршени тајно, а договорот ќе биде потпишан во вторник.“
Васкез неодамна се збогува со Реал по 18 години во шпанската престолнина. Неговото збогување се случи во сенка на заминувањето на Лука Модриќ, но Васкез исто така беше многу ценет во клубот.
Ова лето, тој ќе ги замени местата со Чаби Алонсо, кој пристигна во Реал од Баер. Тимот од Германија сега го предводи Ерик тен Хаг.
Васкез пристигна во Реал Мадрид во 2007 година како 16-годишник и играше во сите категории на младинската академија, од тимот до 17 години до Кастиља. По една сезона на позајмица во Еспањол, тој го имаше своето деби за првиот тим на Реал Мадрид во септември 2015 година. Оттогаш, тој има 402 настапи за Реал во текот на 10 сезони, еден од најуспешните периоди во историјата на Реал Мадрид.
Тој освои 23 титули со клубот. Освои пет Лиги на шампиони и светски клупски првенства, четири европски Суперкупа, еден шпански Суперкуп и една титула во шпанското првенство, како и еден трофеј во Кралскиот Куп.
Спорт
Украдени велосипеди вредни 250.000 евра

Велосипедскиот тим Висма, тимот на лидерот на Вуелта, Данецот Јонас Вингегор, се соочи со голем проблем. Преку ноќ од камионот на механичарот биле украдени велосипеди. .
Италијанската полиција, во земјата каде што се одржуваат воведните етапи на Вуелта, го истражува случајот и вели дека се украдени „неколку велосипеди“. Медиумите објавија дека украдени се 18 велосипеди чија вредност изнесува 250.000 евра.
„Нашите механичари работат многу напорно за да се осигурат дека тимот е целосно подготвен за третата етапа“, се вели во соопштението на тимот.
Вингегор ја зеде црвената маичка за лидерот во трката, со победата на етапата во недела.
Двократниот победник на Тур де Франс сепак ќе биде без помошта на својотколега Аксел Зингл во остатокот од трката, кој мораше да се повлече по тешкиот пад на дождливата етапа во неделата.
Третата етапа е долга 134,6 километри и завршува со искачување до Церес во италијанските Алпи, северозападно од Торино.
Вингегор, кој веќе двапати го освои Тур д’Франс, се смета за главен фаворит на овогодинешната Вуелта, бидејќи актуелниот победник на Тур д’Франс, Тадеј Погачар, и четирикратниот шампион на Вуелта, Примож Роглич не учествуваат на оваа трка.