Во најновата серија досиеја на Епстин е објавена преписка која што се чини дека е серија текстуални пораки разменети помеѓу Џефри Епстин и неидентификувано лице во септември 2018 година.

Во разговор што се одвивал во текот на два дена преку iMessage услугата на Apple, неидентификуваното лице (чиј идентитет и телефонски број се затемнети) споменува жена опишана како 23-годишна поранешна манекенка од Русија.

Лицето му се обраќа на Епстин со „Џефри“ и пишува: „Можеби имам убава, паметна девојка за вас, господине“, на што Епстин одговара со прашањето: „Паметна девојка?“

Неидентификуваното лице одговара: „Да, многу интелигентна и фина личност“, пред да му испрати две фотографии од жената со покриено лице. Епстин потоа прашува за нејзиното име и детали, но тие детали остануваат редактирани во документите.

Во пораките се наведува дека жената поминала „половина година во Сан Диего на размена од Московскиот универзитет“ и дека сака да остане во Соединетите Држави. Неидентификуваното лице додаде дека ќе му открие „повеќе детали во живо“ на Епстин.

Потоа Епстин бара банкарски податоци од третото лице, а во порака испратена пет часа подоцна, тој вели: „Денес ти испратив 5.000 долари“. Следниот ден, тој проверува дали парите се депонирани.

Овие пораки, според објавените документи, биле разменети помалку од една година пред Епстин да биде пронајден мртов во затворска ќелија во август 2019 година, по неговото апсење под обвинение за трговија со луѓе заради сексуална експлоатација.

Американскиот претседател Доналд Трамп изјави дека рускиот претседател Владимир Путин се согласил на еднонеделна пауза во ракетните напади врз Украина откако изрази загриженост за екстремно ниските температури што ја погодуваат земјата.

Во разговор со новинарите во Белата куќа, Трамп рече дека директно го контактирал Путин за да побара привремена пауза во ракетните напади, особено оние што ги таргетираат големите градови.

„Го повикав претседателот Путин“, рече Трамп, истакнувајќи дека и Русија поминува низ силен студен бран, но дека температурите во Украина се значително постудени.

„Имаат огромен студен бран“, рече тој, додавајќи дека го замолил Путин да ги одложи нападите една недела за да не бидат испукани ракети врз Киев или кој било друг град. Според Трамп, Путин се согласил.

„Тоа е нешто“, заклучи американскиот претседател.

По изјавите на Трамп, портпаролот на Кремљ, Дмитриј Песков, потврди дека Трамп го замолил Путин да ги запре нападите врз Украина, но не сакаше да потврди дали рускиот претседател се согласил со барањето.

Македонија била вклучена во меѓународен научен проект кој се споменува во документите поврзани со починатиот американски милијардер Џефри Епстин,пишува Дојче веле.

Станува збор за проект во кој американски научници поврзани со Универзитетот „Колумбија“ создале голема банка од човечки мозоци наменета за истражување на самоубиства, шизофренија и други психијатриски нарушувања. Во документите се споменува и Македонија како една од земјите што придонеле со примероци.

Поранешниот директор на Институтот за судска медицина во Скопје, професорот Алексеј Дума, за ДВ објаснува дека Македонија учествувала со ограничен број примероци и дека сè било спроведено според закон, а секој примерок морал да има одобрение од македонскиот и американскиот Етички комитет.

„Примероците најлегално патуваа со авион, поминуваа царина и за нив имаше целосна документација. Без дозвола — примерок не можеше да влезе во САД“, вели Дума и ја отфрла можоста за профит од целата постапка.

Тој појаснува дека од Македонија биле испраќани околу 10 до 15 примероци годишно, и дека бројката од околу 1.000 мозоци се однесува на целата меѓународна колекција, а не на македонските примероци.

Проектот, според Дума, донел значајни научни резултати, нови сознанија за поврзаноста меѓу шизофренијата и самоубиствата, како и опрема, лаборатории и можности за докторски студии за македонски научници.