Спорт
СЕХА: Вујо и Железничар со победа кај Металург (видео)
Металург уште ќе ја чека својата прва победа во СЕХА лигата, откако на домашен терен не успеа да го победи ниту српскиот Железничар од Ниш, губејќи со 29:30 (13:16) и така дозволувајќи тимот на Веселин Вујовиќ да дојде до втората победа во регионалното…

Металург уште ќе ја чека својата прва победа во СЕХА лигата, откако на домашен терен не успеа да го победи ниту српскиот Железничар од Ниш, губејќи со 29:30 (13:16) и така дозволувајќи тимот на Веселин Вујовиќ да дојде до втората победа во регионалното натпреварување.
Гостите во претходното коло ја остварија првата победа во СЕХА оваа сезона против Извиѓач, и сега се одвоија на табелата со два триумфи, додека Металург остана на дното токму со босанскиот Извиѓач, со кого го освоија единствениот поен со 27:27 ремито.
По првичното водство на Металург, гостите поведоа од седмата минута (3:4) и останаа во предност во текот на целиот меч, приморувајќи ги домаќините да се „бркаат“ гол-за-гол. Металург во самиот финиш на мечот успеа да се доближи на само еден гол разлика, но тоа беше максимумот.
Мартин Серафимов беше најрасположен за игра со девет гола, додека Халил Јагањац додаде пет за Металург, додека Железничар го имаше Предраг Вејин со осум гола, и Ѓорѓе Спасиќ со шест. Новото засилување, поранешниот ракометар на Вардар, Добривое Марковиќ имаше скромни два гола.
Фото: СЕХА лига
СЕХА ЛИГА, 5.КОЛО
Извиѓач – Татран Прешов 22:26 (9:12)
Металург – Железничар Ниш 29:30 (13:16)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити ги декласира „милионерите“, Осимен со хет-трик во Амстердам, Самарџиќ во 90-та минута го шокира Марсеј
Европските великани, Ајакс и Бенфика се единствените екипи без освоен бод по првите четири кола во Лигата на шампионите. По вечерашните натпревари, Интер им се приклучи на Баерн и Арсенал, како тим со максимален учинок. Покрај спектакуларниот меч во Бриж, вечерта ја обележа убедливата победа на Манчестер сити над Борусија Дортмунд, хет-трикот на Виктор Осимен против Ајакс и голот на Лазар Самарџиќ во 9-та минута со која Аталанта победи во Марсеј.
Резултати:
Пафос – Виљареал 1:0 (0:0)
/Лукасен 46/
Карабаг – Челзи 2:2 (2:1)
/Андраде 29, Јанковиќ 39П – Естевао 16, Гарначо 52/
Ајакс – Галатасарај 0:3
/Осимен 59, 66П, 78П/
Бенфика – Леверкузен 0:1
/Шик 65/
Клуб Бриж – Барселона 3:3
/Тресолди 6, Форбс 17, 64 – Торес 8, Јамал 61, Циолис 77АГ/
Интер – Каират 2:1
/Мартинез 45, Аугусто 67 – Арад 56/
Манчестер сити – Борусија Д. 4:1
/Фоден 22, 57, Халанд 29, Шерки 90+1 – Антон 72/
Њукасл – Атлетик Билбао 2:0
/Брн 11, Жоелингтон 49/
Марсеј – Аталанта 0:1
/Самарџиќ 90/
Спорт
(Видео) Барселона избегна пораз кај Клуб Бриж
Клуб Бриж и Барселона ремизираа 3:3 во спектакуларен меч одигран во 4.коло, во Лигата на шампионите. Барселона три пати се враќаше по водството на домашните, на крајот и ВАР беше на страната на Каталонците.
Клуб Бриж го отвори натпреварот совршено. Веќе во 6-та минута, Карлос Форбс прецизно го проигра Никол Тресолди, кој ја погоди мрежата и им донесе водство на Белгијците од 1:0.
Сепак, Барселона брзо возврати. Во 8-та минута, по одлична акција, Фермин Лопес му асистираше на Феран Торес.
Нова предност на Бриж му донесе во 17-та минута. Карлос Форбс совршени реализираше контра напад.
Барселона повторно израмни во 61-та минута. Акција како на плејстејш, Фермин Лопес мајсторски го проигра Ламин Јамал погоди за 2:2.
Само три минути подоцна, Клуб Бриж повторно поведе. Ханс Ванакен го пронајде Карлос Форбс во шеснаесетникот, а Португалецот лобуваше Војчех Шчесни.
Бриж три минути доби пенал, но на повик на ВАР собата Ентони Тејлор го поништи.
А потоа, „ладен туш“ за Бриж.
Во 77-та минута, Барселона повторно израмни, Јамал шутираше, Цолис во обид да блокира ја закачи топката која заврши во голот.
До крајот Бриж постигна гол преку Вемант, кој му ја одзеде топката на голманот Шчесни, но Тејлор повторно доби повик од ВАР собата и голот беше поништен.
Спорт
Реал има договор со Упамекано
Францускиот дефанзивец Дајот Упамекано со голема веројатност ќе го напушти Баерн Минхен по завршувањето на сезоната.
Упамекано ќе биде слободен играч по завршувањето на сезоната, поради што има понуди од неколку клубови. Шпанските медиуми тврдат дека тој ќе се пресели во Реал Мадрид, францускиот „Фут Меркато“, оди подалеку и тврди дека Упамекано му дал збор на претседателот на Реал, Флорентино Перез.
„Трансфермаркт“ ја проценува вредноста на Упамекано на 60 милиони евра.
Заедно со Реал, сериозен интерес покажува и ПСЖ, додека Баерн истовремено работи на продолжување и се обидува да го задржи голманот во клубот.
Упамекано пристигна во Баерн во летото 2021 година од Лајпциг, во трансфер од 42,5 милиони евра. Досега има одиграно 166 натпревари за баварскиот тим и освои шест трофеи, по три во Бундеслигата и Купот на Германија. За француската репрезентација одигра 34 натпревари.

