Спорт
Портланд пресилен за Леброн и ЛА Лејкерс (Видео)
Портланд Трејлблејзерс забележаа победа во првиот меч што го одиграа во новата НБА сезона. Портланд славеше во дуелот со ЛА Лејкерс 128:119.
Леброн Џејмс го имаше дебито на официјален меч за Лејкерс и одлично влезе во дуелот. Тој ги раздвижи соиграчите…
Портланд трејлблејзерс забележа победа во првиот меч што го одиграа во новата НБА-сезона. Портланд славеше во дуелот со ЛА Лејкерс 128:119.
Леброн Џејмс го имаше дебито на официјален меч за Лејкерс и одлично влезе во дуелот. Тој ги раздвижи соиграчите во првиот период кои стигнаа до предност од 10 поени. Портланд успеа да се врати во мечот и првиот период да го заврши со позитива 34:31.
Моментумот од финишот на првата четвртина домашните го префрлија и во втората кога стигнаа до двоцифрена предност, но овој пат Лејкерси беа тие што се вратија во натпреварот.
Третата четвртина мина во израмнета, а во решавачкиот период разликата ја направија Демијан Лилард и Ник Стаускас, додека конечниот удар на Лејкерс им го зададе Си-Џеј Мекалум.
На крајот на Лејкерси не им помогна „дабл-дабл“ ефектот на Леброн Џејмс (26 поени, 12 скока). Портланд го предводеа Лилард со 28 поени, четири помалку уфрли Стаускас, а Мекалум постигна 21 кош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.