Македонија
Кирацовски: Ќе видиме дали националното помирување ќе биде само за 27 април или пошироко
Пратеникот на СДСМ, Александар Кирацоски, ги повика пратениците на ВМРО-ДПМНЕ да се приклучат кон иницијативата за национално обединување бидејќи, како што истакна, сите треба да учествуваат во него. Дали помирувањето ќе биде само за настаните од 27 април или пошироко, Кирацоски вели дека ќе се утврди на собраниската комисија.
За амандманите што Владата треба да ги испрати до Собранието, Кирацоски вели дека има 15 дена, но очекува тие да стигнат до петок.
„Ние сме оптимисти. Секојдневно ќе ги повикуваме сите пратеници што работат во Собранието да се приклучат кон процесот. Јас сум повеќе од убеден дека поддршката кон процесот ќе расте. Ракавицата е фрлена, барањето на овие 8 пратеници е наше заедничко барање. Не се откажуваме од националното помирување. Ние одиме со идејата граѓаните да почувствуваат мир и спокој во сопствената кожа“, рече Кирацоски.
Тој вели дека за тоа како ќе се одвива тоа помирување ќе се одлучи на комисијата формирана од Собранието, каде што треба да учествуваат сите пратеници.
„Ја поздравуваме историската одлука на Собранието со која се почитува волјата на граѓаните. Гласот на 80 пратеници е глас за ЕУ и НАТО. Создадени се подобри услови за спроведување на реформите. Ги повикувам сите пратеници, вклучително и оние што не гласаа, да се вклучат во спроведување на нацрт-амандманите. Заедно да ги поддржиме процесите за имплементација на договорот од Преспа“, рече Кирацоски.
„Поддршката за уставните измени ќе расте, верувам во тоа. Антизападното раководство на ВМРО-ДПМНЕ и Христијан Мицкоски решија да останат изолирани, но пратениците на ВМРО-ДПМНЕ имаат можност да ги надминат овие пречки. 80 пратеници направија неповратен исчекор за иднината на Македонија“, додаде Кирацоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.
Македонија
Мицкоски на средба со коалицијата: доби поддршка за почнување преговори за состав на идната влада
Претседателот на ВМРО-ДПМНЕ, Христијан Мицкоски, денеска оствари средба со претседателите на партиите во состав на коалицијата „Твоја Македонија“.
Беше констатирано дека коалицијата оствари успешен и историски резултат, кој создава и одговорност за реализирање на очекувањата.
Мицкоски доби поддршка од претседателите на коалициските партии за почнување преговори за состав на идната влада.
Според заклучокот на состанокот, разговорите треба да се водат врз основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.