Спорт
Роналдо емотивен пред враќањето на „Олд Трафорд“
Кристијано Роналдо по вторпат во својата кариера ќе игра против клубот каде што го направи името, Манчестер јунајтед, откако гостува на „Олд Трафорд“ со својот Јувентус во вторник навечер.
Неговата прес-конференција во Манчестер, нормално, предизвика о…
Кристијано Роналдо по вторпат во својата кариера ќе игра против клубот каде што го направи името, Манчестер јунајтед, откако гостува на „Олд Трафорд“ со својот Јувентус во вторник навечер.
Неговата прес-конференција во Манчестер, нормално, предизвика огромно внимание, прво поради тоа што Португалецот играше за „ѓаволите“ од 2003 до 2009 година, а потоа и поради обвинувањата за силување од 34-годишната Американка Катрин Мајорга.
Cristiano Ronaldo walks out to see the place he made his name before his press conference today. I’m not crying, you are. pic.twitter.com/Grfo6hE1gu
— The Man Utd Way (@TheManUtdWay) October 22, 2018
„За мене е многу емоционално што сум повторно во Манчестер. Знам сѐ за овој тим, цела блескава историја. Освојував титули тука, купови, лиги, Лига на шампиони. Сер Алекс Фергусон е човек кого нема никогаш да го заборавам и сакам уште еднаш да му посакам брзо закрепнување. Како се споредуваат моите тимови? Јас не го правам тоа, клубовите се фантастични. Среќен сум што играв во Манчестер, Реал Мадрид и сега во Јувентус. Сега сум среќен што сум во Јувентус, што се адаптирам на нов тим и нова лига. Моите соиграчи беа прекрасни, а многу луѓе ми помогнаа“, почна Роналдо.
Неизбежни беа прашањата околу обвинувањата на Мајорга за наводното силување кое се случило во хотелската соба во Лас Вегас во 2009 година, неговата прва година во Реал Мадрид.
„Дадов изјава пред две недели и нормално нема да лажам за ситуацијата. Моите адвокати ја завршуваат работата. Јас уживам во животот и во фудбалот, а вистината секогаш излегува на прво место. Знам дека сум пример за многу млади луѓе, на и надвор од теренот. Затоа сум насмеан. Играм во фантастичен клуб, имам фантастично семејство, здрав сум. Имам сѐ. Другото не влијае на мене“, објасни Роналдо.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).
Спорт
(Видео) Алкараз на удар: „Се распаѓа, изгледа како 78-годишен старец“
Шпанскиот тенисер Карлос Алкараз имаше проблеми со многу повреди во текот на својата кратка кариера.
Последна во низата е повредата на подлактицата која го мачи оваа пролет и поради неа ги пропушти турнирите во Монте Карло, Барселона и Рим.
На оваа тема се зборуваше и во подкастот „Super Moscato“ на добро познатиот RMC.
Водител на емисијата е поранешниот француски рагбист, денес актер и водител Винсент Москато, кој многу го критикуваше 21-годишниот Шпанец.
„Да не бидам досаден, добри супи се прават во стари тенџериња, па еве го Ѓоковиќ, со сите повреди типувам на Ѓоковиќ“, изјави Москато и додаде:
„Алкараз „се распаѓа“. Го боли подлактицата, изгледа како 78-годишен старец. На 20 години раката не ве боли многу. Го гледате ли Алкараз како наследник на Надал? Слушајте ме, ќе јадам стаорец ако се случи тоа“
Алкарас моментално е трет на АТП листата, а полуфиналето ќе го брани на Ролан Гарос.
Спорт
FourFourTwo: Пикси Стојковиќ е најлош од сите селектори на Евро 2024
Сезоната на клупскиот фудбал полека привршува, а стартот на Европското првенство во Германија е се поблиску. За точно 38 дена во Минхен ќе се одигра првиот натпревар на ЕП меѓу Германија и Шкотска.
Специјализираниот фудбалски магазин „FourFourTwo“ во пресрет на првенството објави список на селекторите на сите репрезентации кои според нивната проценка ги рангираше од најдобар до најлош. На првото место е Дидие Дешамп (Франција), а зад него се Лучијано Спалети (Италија) и Јулијан Нагелсман (Германија). Најлош од сите сите селектори според „FourFourTwo“ е Драган Стојковиќ.
Рангирање на сите екипи на Евро според „FourFourTwo“:
1. Дидие Дешамп (Франција)
2. Лучијано Спалети (Италија)
3. Јулијан Нагелсман (Германија)
4. Герет Саутгејт (Англија)
5. Златко Далиќ (Хрватска)
6. Роберто Мартинез (Португалија)
7. Доменико Тедеско (Белгија)
8. Луис де ла Фуенте (Шпанија)
9. Каспер Хјулманд (Данска)
10. Марко Роси (Унгарија)
11. Стив Кларк (Шкотска)
12. Роналд Куман (Холандија)
13. Силвињо (Албанија)
14. Винченцо Монтела (Турција)
15. Вили Сањол (Грузија)
16. Ралф Рангник (Австрија)
17. Франческо Калцона (Словачка)
18. Едвард Јорданеску (Романија)
19. Сергеј Ребров (Украина)
20. Матјаж Кек (Словенија)
21. Мурат Јакин (Швајцарија)
22. Михал Пробиерц (Полска)
23. Иван Хашек (Чешка)
24. Драган Стојковиќ (Србија)