Спорт
Фијаско во Кожани! Грците ни го отежнаа патот до ЕП
Ракометната репрезентација на Македонија доживеа непријатен и неочекуван пораз на гостувањето во Кожани кај Грција (28:26) во вториот меч од квалификациите за Европското првенство во 2020 година.
По сигурната домашна победа над Турција, од нашите репре…
Ракометната репрезентација на Македонија доживеа непријатен и неочекуван пораз на гостувањето во Кожани кај Грција (28:26) во вториот меч од квалификациите за Европското првенство во 2020 година.
По сигурната домашна победа над Турција, од нашите репрезентативци се очекуваше дека ќе успеат да ја обезбедат и втората победа, меѓутоа лошото второ полувреме го направи своето и на крајот репрезентацијата на селекторот Раул Гонзалес се враќа дома со пораз и со предупредување за наредните мечеви.
Македонија играше подобро во првото полувреме, одржувајќи предност од гол-два разлика, меѓутоа во финишот на натпреварот, Грците направија пресврт и дури поведоа со 2 гола разлика, казнувајќи ја слабата игра на нашата репрезентација.
Бидејќи во првиот натпревар од нашата група 3, Исланд доминираше на гостувањето кај Турците (22:33), сега ние сме на делба на второто место со Грците со по една победа.
Капитенот Кирил Лазаров беше најефикасен со 7 голови, Талески додаде 6, а Манасков четири, додека на голот Митровски имаше 13 одбрани. Квалификациите продолжуваат напролет со гостувањето на Исланд во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Клуб од петтата француска лига го елиминира Лион од Купот
Фудбалерите на Лион се изрезилија во Купот на Франција, испаднаа од Бургоан Жалие, клуб кој се натпреварува во петтиот ранг на францускиот фудбал.
Во 1/16-финалето, Бургоан како домаќин по изведувањето на пенали го совлада Лион со вкупен резултат 6:4. Во регуларните 90 минути резултатот беше 2:2.
Во 20. минута Лион го доби првиот удар, стрелец за домашните беше Мујецки. Лион успеа да направи пресврт. Во самиот финиш на првиот дел, во 45. минута израмни Матиќ, додека Лион поведе во 64. минута, кога Грузиецот Микаутадзе го постигна вториот гол.
Мујецки уште еднаш беше кобен за Лион во 69. минута кога израмни на 2:2 и на тој начин му обезбеди на својот тим изведување пенали.
Во пенал рулетот Лион, најдобрите играчи на клубот Лаказет и Толисо не успеаја да постигнат гол, додека кај домаќините четворица беа прецизни, единстврно промаши стрекецт на двата гола Мијецки.
Спорт
(Видео) Арсенал се главни во северен Лондон
Фудбалерите на Арсенал брзо ја пребродија елиминацијата од Манчестер јунајтед од ФА купот, откако го совладаа Тотенхем со 2;1 во дербито на северен Лондон, во 21. коло од Премиер лигата. Со оваа победа Арсенал го скокна Нотингем Форест на второто место во поредокот. Со натпревар повеќе, Арсенал има четири бода помалку од лидерот Ливерпул.
И покрај тоа што играчите на Арсенал го контролираа поголемиот дел од натпреварот, Тотенхем поведе во 25. минута со голот на Сон. Тоа беше момент на инспирација за најдобриот јужнокорејски фудбалер кој билијантно погоди.
Арсенал се врати во живот во 40. минута кога Габриел ја погоди мрежата на Тотенхем а само четири минути подоцна, Леандро Тросар го режираше пресвртот.
Во вториот дел Арсенал имаше неколку шанси да го реши победникот, не ги искористија, па во 95.минута имаа среќа кога Педро Поро ја погоди стативата.
Резултати:
Евертон – А. Вила 0:1 (0:1)
/Воткинс 51/
Лестер – К. Палас 0:2 (0:0)
/Матета 52, Гуехи 78/
Њукасл – Вулверхемптон 3:0 (1:0)
/Исак 34, 57, Гордон 74/
Спорт
Болоња ја прекина победничката низа на Интер, освои бод на „Џузепе Меаца“
Интер и Болиња одиграа 2:2 во 19 коло во Серија А. Интер остана на второто место на табелата со три бода помалку и натпревар помалку од лидерот Наполи.
Дека Болоња може да стави крај на серијата од пет победи во која се наоѓаа фудбалерите на Интер најави Кастро во 15.минута.
Интер сепак до крајот на првиот дел направи пресврт. Десниот бек, Дафрис потврди дека се наоѓа во фанатстична форма, ја продолжи голгетарската серија, изедначи во 19.минута.
Во првата минута од судиското надополнување на времето, капитенот Лаутаро Мартинез го постигна вториот гол.
Интер не успеа да ја сочува предноста. Холм во 64.минута го постави конечниот резултат.