Спорт
Хамилтон: Ова е настварно, го израмнив рекордот на Фанџо
Луис Хамилтон, од вчера е петкратен шампион во Формула 1. Британецот, на трката во Мексико го освои четвртото место и во пресрет на последните две трки во шампионатот (Бразил и Абу Даби), стекна недостижна предност во однос на Себастијан Фетел.
„Чувств…


Луис Хамилтон, од вчера е петкратен шампион во Формула 1. Британецот, на трката во Мексико го освои четвртото место и во пресрет на последните две трки во шампионатот (Бразил и Абу Даби), стекна недостижна предност во однос на Себастијан Фетел.
„Чувствто е чудно. Трката во Мексико беше многу тешка. Добро стартував, потоа не знам што се случи. Важно беше само да ја завршам трката. Титулата не ја освоивме тука, титулата ја освоивме со напорната работа во теот на целата сезона. Благодарен сум на моето семејство и на луѓето од тимот. Без нив немаше да го остварам ова“, рекол Хамилтон.

Британецот на вечната листа се израмни на второто место со легендарниот Аргентинец, Хуан Мануел Фанџо, пред него сега е само Михаел Шумахер со седум шампионски титули.
„Со Мерцедес сум поврзан од својата 13. година, а Фанџо има статус на легенда. Освојувал титули со Мерцедес. Ова е нестварно“, заклучил 33-годишниот Британец.

Меѓу првите новата шампионска титула на Хамилтон му ја честиташе големиот ривал од Ферари, Себастијан Фетел.
„Честитки за Луис, за титулата во конкуренција на возачите. Меѓутоа се уште трае борбата кај конструкторите. Решени сме тука да одиме до карјот. Никогаш не се предаваме“, рекол Германецот.
Кај конструкторите, во генералниот пласман Мерцедес има 585 бода, а Ферари 530.
Наредната трка за Големата награда на Бразил, на патеката „Интерлагос“, ќе се вози на 11.ноември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Суспензија и парична казна за Јилдиз

Фудбалерот на Јувентус, Кенан Јилдиз, беше суспендиран на два натпревари и казнет со 10.000 евра откако удри со лакт играч на Монца во последниот натпревар од Серија А.
„Кенан Јилдиз е суспендиран на два натпревари и казнет со 10.000 евра откако удри со лакт противнички играч додека не беше блиску до топката“, објавија официјалните лица на италијанската Серија А.
19-годишниот турски репрезентативец беше исклучен во судиското продолжение од првото полувреме во неделата поради старт врз гостинскиот играч Алесандро Бјанко.
Во тој дуел, Јувентус беше подобар со резултат од 2:0.
Јилдиз постигна шест гола за Јувентус оваа сезона, а сега ќе мора да пропушти два важни дуели во борбата за место во Лигата на шампионите.
На четири кола до крајот, Јувентус е на четвртата позиција што води во Лигата на шампионите, но има само еден бод повеќе од петтопласираната Болоња, два повеќе од римските клубови Рома и Лацио и три бода повеќе од осмопласираната Фиорентина.
Во следните две кола од Серија А, Јувентус ќе ги гостува кај директните ривали во борбата за Лигата на шампионите, Болоња и Лацио.
Спорт
Мартинез го цени Јамал, но не сака да чуе за споредба со Меси

Напаѓачот на Интер, Лаутаро Мартинез, беше запрашан пред натпреварот со Барселона дали Ламин Јамал е толку важен за Каталонците како што некогаш беше Лео Меси.
„Нема споредба со Лео, бидејќи тој според мене е најдобриот фудбалер на сите времиња и секогаш ќе биде. Јас дури и нема да правам таква споредба. Можам само да кажам дека Ламин е многу важен играч. Сите го знаеме тоа. Тој е толку млад и веќе придонесува многу. Освои важни трофеи со репрезентацијата. Заслужува поголема почит бидејќи е одличен играч“, рече Мартинез.
Првиот натпревар од полуфиналето во Лигата на шампионите ќе се игра во Барселона од 21 часот.
Спорт
Изгласана недоверба на Антиќ, Главчев нов претседател на КФМ

На претседателот на Кошаркарската федерација на Македонија Перo Антиќ, му беше изгласана недоверба, а за нов претседател беше избран Томица Главчев.
На вонредното Изборно собрание беа присутни 38 клуба и сите едногласно гласаа за недоверба на Антиќ.
Потоа следеше избор на парламентарното тело, кое подоцна го верификуваше единствениот кандидат Томица Главчев за нов претседател.
Пред вонредното изборно собрание, Антиќ се сретна со Главчев и му посака „среќа и успешна работа“.
„Ми претставува посебна чест и задоволство денес да го поздравам идниот претседател на Кошаркарската федерација, која е мој дом во изминатите шест години. Мојот пријател Томица ја има мојата апсолутна поддршка и верувам дека тој е вистинскиот избор за напредокот на кошарката во Македонија. Му посакувам на новиот претседател среќа и успешна работа во годините што доаѓаат“, рече Антиќ, според веб-страницата на Федерацијата.
Бизнисменот и член на Првиот одбор на КФМ Томица Главчев, познат како сопственик на клубот Блокотехна, но и финансиер на Кожув и МЗТ Скопје, стана 11-ти претседател на КФММакедонското здружение.
На почетокот на април, до Кошаркарската федерација на Македонија беше поднесено барање за свикување вонредно собрание на кое ќе се гласа за разрешување на претседателот Пера Антиќ.
Иницијативата за негова смена ја поднесе поранешниот репрезентативец Младен Ѓуровски, кој доби поддршка од 37 членови на Собранието на КФМ.
Во декември минатата година, иницијаторите се обидоа да изгласаат недоверба на Антиќ, но, тогаш тој најде „дупка во законото и си купи уште неколку месеци на функцијата.