Црна хроника
Кривична пријава против ексдиректорот на ЈП „Градски гробишта“ Охрид поради злоупотреба на службената положба
Секторот за внатрешни работи од Охрид поднесе кривична пријава против 45-годишен поранешен директор на ЈП „Градски гробишта“ Охрид поради постоење основи на сомнение за сторено продолжено кривично дело „злоупотреба на службена положба и овластување“.
„Пријавениот, како директор во Јавното претпријатие ‘Градски гробишта’ Охрид, во периодот од декември 2013 до ноември 2017 година во врска со договор за јавна набавка на резервни делови за службени возила и нивно одржување од фирма од Охрид, во повеќе наврати исплатил парични средства над дозволениот лимит во износ од 76 843 денари, со што предизвикал штета на јавното претпријатие“, посочуваат од полицијата.
Покрај тоа од МВР додаваат дека друго лице со несоодветно образование, спротивно со правилникот за систематизација, обвинетиот го распоредил на повисоко работно место, со што го оштетил јавното претпријатие за 39 501 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.