Свет
Убиството на Кашоги потсетува на тајните убиства на противниците на Гадафи
Убиството на новинарот Џамал Кашоги во Истанбул, за кое се претпоставува дека e виновно саудиското кралско семејство и младиот принц Мохамед бин Салман, го врати сеќавањето на времето на атентатот и исчезнувањето на либиските дисиденти, кои живееле во страв од продолжената рака на Моамер ел Гадафи – неговите брутални служби за безбедност.
Гадафи беше познат по тоа што испраќаше агенти да се пресметаат со неговите политички противници, кои тој ги нарекувал предавници и џукели, а кои пронашле засолниште во државите низ светот. Исто така, безмилосно се однесувал и кон оние кои се осмелиле да се вратат дома.
Сè уште не е јасно колку принцот Салман знаел за исчезнувањето на саудискиот новинар. Во либиската заедница, по убиство на новинар, се прават споредби меѓу Гадафи и малиот принц, пишува „Мидл ист ај“.
Противниците на Салман го обвинуваат крунскиот принц дека го оркестрирал широко распространетото пресметување со дисидентите, целејќи на деловните тајкуни, свештеници, политички активисти, дури и членови на владејачкото семејство. Саудиска Арабија на почетокот одбиваше да признае дека исчезнатиот новинар е убиен, тврдеше дека излегол од конзулатот, кој се смета за место на злосторството.
Пријател на Кашоги рекол за „Мидл ист ај“ дека бруталното убиство на новинарот го подигнало стравот кај другите критичари на саудиските власти дека ќе доживеат иста судбина, доколку Ријад не биде прогласен за одговорен. Тоа ги потсетило на времето кога Гадафи и неговите агенти лесно се извлекуваа за убиства на дисиденти надвор од земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.