Црна хроника
Нападнат малолетник по прослава на навивачка група во Тетово
Малолетник бил нападнат по прослава на навивачка група во Тетово. Според полицијата, вчера околу 21.30 часот во близина на ресторан на улица „Борис Кидрич“ во Тетово, по завршување на прослава на годишнина од постоење на навивачка група, 15-годишник од Тетово, кој бил со неколку другари, физички бил нападнат од непознато лице кое било со група од повеќе други лица.
Малолетникот бил удрен по грбот, по што лицата побегнале. Оштетено е изложно стакло на занаетчиски дуќан и патничко возило сопственост на А.М.(27) од Тетово. СВР Тетово презема мерки за расчистување наслучајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Момче нападнато од врсници на Бит Пазар, девојче во Аеродром – нови случаи на малолетничко насилство
Две деца во одделни случаи во Скопје, во текот на вчерашниот ден биле нападнати од малолетници.
Во првиот случај, малолетно момче било нападнато на Бит Пазар од страна на неколку врсници кои употребите и тврд предмет.
Синоќа, во Аеродром било физички нападнато и девојче од страна на неколку малолетнички, по претходна расправија.
Од МВР велат дека преземаат мерки за расчистување на случаите.
Топ
Автомобил падна во Крива река, загинаа возачот и сопатничката од Марино
Две лица загинаа вчера во сообраќајна несреќа.
Според информациите од МВР, се работи за 75-годишниот Ж.Ј. и неговата сопатничка С.Ј. (76) – двајцата од селото Марино.
Нивниот автомобил, излетал од патот кај местото викано „Ракле“ и паднал во Крива река.
Од здобиените повреди на местото на несреќата починале и возачот и сопатничката, велат од МВР.
Лекар од Итна медицинска помош констатирал смрт, а по наредба на јавен oбвинител телата на починатите биле предадени на обдукција.
Увид на местото извршила увидна екипа од СВР Куманово.
Топ
Еден убиен, двајца повредени во пукање на т.н. пластичарска улица
Еден убиен и двајца ранети во пукањето кое синоќа околу полноќ се случи на булеварот Никола Карев, познат како пластичарска улица, потврди МВР.
Убиениот е 29-годишен скопјанец, кој заедно со уште едно лице на 19-годишна возраст, исто така од Скопје, биле хоспитализирани во комплексот клиники „Мајка Тереза“. По укажаната помош, 29-годишникот, кој бил примен во тешка состојба, им подлегнал на повредите.
„На 26.5.2024, околу 23.40 часот, во СВР Скопје било пријавено дека на булеватот Никола Карев во Скопје имало пукање“, информираат од МВР.
„Во 23.45 часот од Градската општа болница ‘Св. Наум Охридски’ било пријавено дека кај нив со повреди од огнено оружје бил донесен Т. А. (24) од Скопје. Во 23.51 часот од комплексот клиники ‘Мајка Тереза’ било пријавено дека кај нив со повреди од огнено оружје биле донесени О. Б. (19) и А. И. (29), двајцата од Скопје, каде што по укажаната помош, во 00.45 часот, на 27.5.2024, А. И. починал. Се преземаат мерки за пронаоѓање на сторителите и за расчистување на случајот“.