Свет
Две жени убиени во Флорида: Маж пукал кон студио за јога
![](https://makfax.com.mk/wp-content/uploads/2018/11/pukanje-florida.jpg)
Двe жени беа убиени, а уште четири повредени во пукање што се случило во петокот во студио во Талахаси, Флорида, објави Си-ен-ен. Според полициските информации, 61-годишната Ненси Ван Весем и 21-годишната Маура Бинкли починале во болница поради прострелни рани од огнено оружје.
Полицијата претпоставува дека 40-годишниот Скот Пол Бирли од Флорида, кој исто така починал, пукал кон студиото за јога. Се претпоставува дека Бирли загинал поради повреди кои самиот си ги нанел со пукање од пиштолот.
Шефот на полицијата, Мајкл де Лео, изјави дека полицијата пристигнала на местото на настанот околу три минути по добиената пријава. Кога пристигнале, полицајците ги пронашле повредените кои веднаш биле пренесени во болница.
Де Лео, исто така, рече дека се претпоставува оти некои од жртвите се обиделе да го спречат Бирли во пукањето. Сепак, мотивите за пукањето и дополнителни детали за инцидентот засега не се познати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
![](https://makfax.com.mk/wp-content/uploads/2023/04/zatvor-960x614.jpg)
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.