Свет
Руски воен авион упадна на најголемата вежба на НАТО
Рускиот воен авион „туполев“ прелета само 500 метри од американскиот воен брод кој учествува во најголемата воена вежба на НАТО од крајот на Студената војна, објавија британските медиуми.
Како што додаваат медиумите, војниците на американскиот брод „Маунт Витни“ се собраа на палубата за да го набљудуваат прелетувањето на „туполев Ту-142“ над норвешкото крајбрежје.
„Тие нè набљудуваат и ние ги набљудуваме нив”, рече полковникот Гарт Мангер од британската Кралска морнарица, задолжен за оперативни должности на бродот на американската воена морнарица.
Русите потврдија дека два авиона Ту-142 извршиле претходно планиран лет во неутралните води на норвешкото море.
Во воената вежба на НАТО, учествуваат 50 000 војници, 65 бродови и 250 авиони.
Британските медиуми потсетија дека минатата недела Москва објави дека ќе тестира ракети во регионот за време на вежбата на НАТО, која ја нарече „антируска”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.