Спорт
Интер со борбено реми против Барса, Наполи се врати против ПСЖ (видео)
Двете големи италијански пресметки од Лигата на шампионите во Италија во вторникот завршија без победник, откако Интер успеа во финишот на мечот да се врати за 1:1 реми против моќната Барселона, додека малку појужно во Неапол, Наполи се врати за 1:1 р…

Двете големи италијански пресметки од Лигата на шампионите во Италија во вторникот завршија без победник, откако Интер успеа во финишот на мечот да се врати за 1:1 реми против моќната Барселона, додека малку појужно во Неапол, Наполи се врати за 1:1 реми со фаворизираните Пари Сен-Жермен, правејќи компликувана ситуација во групата Ц.
Интер сакаше да се одмазди за поразот на „Ноу Камп“ во претходното коло, но пропушти доста шанси во двете полувремиња, пред во 83. минута од мечот, Малком, засилувањето на Барса кое не покажа многу од доаѓањето во клубот да донесе водство само две минути од влегувањето во игра. Но, Интер не се предаде и во 87. минута преку капитенот Мауро Икарди дојде до израмнување.
Тотенхем остана во игра за пласман понатаму по драматичната 2:1 победа над ПСВ Ајндховен, откако Хери Кејн постигна два гола за десет минути во финишот на натпреварот за да ја поништи предноста која холандскиот клуб ја имаше од првото полувреме.

На Наполи пак, му беше потребен гол од пенал за да се врати за 1:1 реми против Пари Сен-Жермен, кои дојдоа во водство со голот на Хуан Бернат на крајот на полувремето. Спасител на „партенопеи“ беше Лоренцо Инсиње со гол од белата точка во 63. минута.
Со овој поен, Наполи остана лидер во групата Ц со шест поени, колку што има и второпласираниот Ливерпул, но во игра се и ПСЖ со пет поени и Црвена звезда со четири поени, ветувајќи интересни последни две кола.
Во групата А, Атлетико Мадрид врати за понижувачкиот 4:0 пораз од Борусија во минатото коло со лесна 2:0 победа, со која двата клуба остануваат на врвот на групата, и практично се веќе во осминафиналето на ЛШ посебно по катастрофата на Монако против Бриж.
Во „најнеатрактивната“ група во ЛШ, Шалке со 2:0 го совлада тимот на Галатасарај да остане на второто место на табелата пред лидерот Порто, кој со убедливи 4:1 славеше против Локомотив Москва.
Фото: ЕПА
ЛИГА НА ШАМПИОНИ, 4.КОЛО
ГРУПА А
Атлетико Мадрид – Борусија Дортмунд 2:0
Монако – Клуб Бриж 0:4
Табела: 1.Борусија Д. 9, 2.Атлетико М. 9, 3.Бриж 4, 4.Монако 1
ГРУПА Б
Интер – Барселона 1:1
Тотенхем – ПСВ Ајндховен 2:1
Табела: 1.Барселона 10, 2.Интер 7, 3.Тотенхем 4, 4.ПСВ 1
ГРУПА Ц
Наполи – Пари Сен-Жермен 1:1
Црвена звезда – Ливерпул 2:0
Табела: 1.Наполи 6, 2.Ливерпул 6, 3.ПСЖ 5, 4.Црвена звезда 4
ГРУПА Д
Порто – Локомотив Москва 4:1
Шалке – Галатасарај 2:0
Табела: 1.Порто 10, 2.Шалке 8, 3.Галатасарај 4, 4.Локомотив М. 0
ИНТЕР – БАРСЕЛОНА
НАПОЛИ – ПСЖ
ШАЛКЕ – ГАЛАТАСАРАЈ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола откри кој е еден од најпаметните играчи што ги тренирал
Менаџерот на Манчестер Сити, Пеп Гвардиола, има исклучително мислење за актуелниот капитен на својот тим, Бернардо Силва. Шпанецот беше особено расположен по големата победа над англискиот шампион Ливерпул (3:0) во 11-то коло од Премиер лигата.
По овој натпревар, јубилеен 1.000-ти во неговата тренерска кариера, тој зборуваше со пофалби за неколку фудбалери со кои соработувал во претходните години, но особено го пофали Португалецот.
„Бернардо Силва е вистински фудбалски мајстор. Темпо, освојување на топката, забрзување и забавување, интуиција за гледање на просторот и како да управува во дадена ситуација, тој поседува сè. Слободно можам да кажам дека тој е еден од најпаметните играчи што некогаш сум ги сретнал“, рече Пеп Гвардиола.
Бербардо Силва се мачеше со својата форма минатата година, но оваа сезона е капитен на тимот.
„Не му беше лесно минатата сезона. Понекогаш ми велеше: „Пепе, исцрпен сум. Мојот ум повеќе не е тука, ниту моите нозе.“
Бернардо Силва (31) е производ на лисабонска Бенфика, но за овој клуб играше кратко време. Тој дојде во Манчестер Сити во 2017 година од Монако за 50 милиони евра. Оттогаш, одигра 422 натпревари за „Граѓаните“ во сите натпреварувања, со учинок од 73 гола и 75 асистенции.
Спорт
Првиот човек на Ферари им порача на Хамилтон и Леклер да возат, не да зборуваат
Претседателот на Ферари, Џон Елкан, ги нападна Луис Хамилтон и Шарл Леклер по Големата награда на Бразил, на која дуото на Ферари не успеа да ја заврши главната трка.
Тој им даде ист совет на двајцата во многу лоша сезона за Скудерија.
„Во Формула 1, од една страна, имаме механичари кои си ја завршија работата, и во квалификациите и во пит-лејнот. Инженерите го направија истото, а автомобилот покажа очигледни подобрувања. Останатите не ги исполнија очекувањата“, рече Елкан, додавајќи
„Луси и Шарл треба да се фокусираат на возењето и да зборуваат помалку. На Ферари му се потребни возачи кои помалку размислуваат за себе, а повеќе за тимот. Сè уште имаме неколку трки и не е невозможно да завршиме втори во конкуренцијата на конструктори“, додаде тој.
Ферари моментално е на четвртата позиција во шампионатот на конструктори во Формула 1, со 362 поени, четири помалку од Ред Бул и 36 од Мерцедес. Во пласманот на возачи, Леклер е петти со 214 поени, а Хамилтон е шести со 148.
Спорт
Авто-слалом во Кичево: Возбудливо натпреварување со јангтајмери со над 40 учесници
Во рамки на годинешниот календар на Националната Федерација на историски возила на Македонија, на 8 и 9 ноември се одржаа третото и четвртото TSD (брзина, спретност и прецизност) авто-слалом натпреварување – Кичево 3 и 4. Настаните се дел од шампионатот на Македонија за 2025 година во оваа категорија.

По повеќе години пауза, Кичево повторно го почувствува духот на моторните трки – на стартот се појавија околу 40 натпреварувачи од различни клубови, распределени по класи според кубикажата. И покрај лошите временски услови, бројна публика ги бодреше учесниците до самиот крај.
🏆 Резултати
Класа 1 (до 1200 cm³)
Александар Марковски – Пежо 205 (ОТК Скопје)
Класа 2 (до 1600 cm³)
Мојсије Милосавлевски – Даихатсу Шараде (ОТК Скопје)
Владимир Кулушиќ – Рено Меган (ОТК Класика Прилеп)
Даниел Даневски – Пежо 206 (ОТК Скопје)
Класа 3 (над 1600 cm³)
Кире Ставров – Фијат Пунто (ОТК Класика Прилеп)
Кристијан Василев – Ауди 80 (ОТК Скопје)
Лазар Стојаноски – Нисан Премиера (ОТК БМВ Скопје)
Класа 4 (тркачки возила)
Влатко Костовски – Опел Астра (ОТК Скопје)
Мојсије Милосавлевски – Југо 55 (ОТК Скопје)
Димитар Димески – Фијат Сеиченто (ОТК Класика Прилеп)

Пласман на клубови:
ОТК Скопје
ОТК Класика Прилеп
ОТК БМВ Скопје
Натпреварите ги отворија градоначалникот Александар Јовановски и претседателот на Федерацијата, Мојсије Милосавлевски, кои ги претставија идеите за ревитализација и мултифункционалност на автодромот Кичево.


