Спорт
СЕХА: Вардар се врати на победите, Нексе „падна“ во Скопје
По двата порази во регионалната СЕХА лига со „мешан“ тим, актуелниот шампион Вардар се врати на победите, совладувајќи го хрватското изненадување Нексе од Нашице со 31:26 во Скопје.
Ова е шеста победа на „црвено-црните“ во СЕХА лигата со која се на тре…
По двата порази во регионалната СЕХА лига со „мешан“ тим, актуелниот шампион Вардар се врати на победите, совладувајќи го хрватското изненадување Нексе од Нашице со 31:26 во Скопје.
Ова е шеста победа на „црвено-црните“ во СЕХА лигата со која се на третото место на табелата со 18 поени, израмнети со Нексе и зад ППД Загреб, кои имаат совршен скор од осум победи во осум меча.
Данил Шишкарев и Тимур Дибиров постигнаа по четири гола, додека Кристијан Дисингер и Даинис Криштопанс имаа по три голови за „црвено-црните“. Шипиќ имаше пет голови за гостите. Поранешниот ракометар на Металург, Халил Јагањац постигна три гола.
„Плинарите“ на Лино Червар ја продолжија победничката серија и против белорускиот предизвикувач Мешков Брест, триумфирајќи со 29:24 (13:10), за да се промовираат во први фаворити пред Фајнал форот. Златко Хорват имаше осум голови за домашниот тим, шест уфрли Дамир Бичаниќ, додека за Мешков, Андреј Јашчанка постигна седум.
СЕХА ЛИГА, 8.КОЛО
ППД Загреб – Мешков Брест 29:24 (13:10)
Вардар – Нексе 31:26 (16:12)
Фото/Видео: СЕХА лига
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.