Македонија
Граѓански собир за дислокација на Центарот за зависници во Кисела Вода
По иницијатива на поголем број на граѓани кои жиевеат во општина Кислеа Вода денеска ќе се одржи граѓански собир на кој жителите ќе бараат решение за дислокација на Центарот за зависници.
Центарот за зависници во Кисела Вода е сместен во близина на основното училиште „Круме Кепески“, како и до голем број околни куќи и згради. Жителите постојано се жалат и бараат дислокација на Центарот бидејќи велат не се чувствуваат безбедни.
Меѓу другото граѓаните сведочат и за низа проблеми со кои секојдневно се соочуваат во јавниот превоз поврзани токму со завсниците кои го посетуваат Центарот за зависници. Во автобусот со број 24 кој поминува низ Кисела Вода и со него се превезуваат и зависниците од болницата до центарот на градот многу често има и инциденти.
Најмногу се жалат граѓните кои живеат во непосредна близина на Центарот за зависници. Од општина Кисела Вода пред неколку дена посочија дека очекуваат до крајот на годината да се реши проблемот со корисниците на Центарот за зависници и тие да се дислоцираат.
Градоначалникот на Кисела Вода, Филип Темелковски, претставници од Министерството за здравство, од Министерството за внатрешни работи, конкретно од СВР Скопје, од Оддделението за недозволена трговија и од ПСОН Кисела Вода, претставници од ЈЗУ Психијатриска болница Скопје, од Центарот за превенција и третман на зависност од дроги-Кисела Вода, невладините организации ХОПС и Доверба, како и жители на Кисела Вода пред пред извесен период имаа и средба на која се разговараше за надминување на проблемот кој со години го имаат жителите на Кисела Вода, поврзан со Центарот за превенција и третман на зависности од дроги, лоциран на ова подрачје.
Дислокација на Центарот за зависници беше адут на актуелниот градоначалник Филип Темелковски во предизборната кампања за локалните избори минатата година на кои граѓаните му ги доверија гласовите за победа над кандидатот од ВМРО-ДПМНЕ, Јохан Тарчуловски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.