Фудбалскиот клуб Динамо Загреб најде центарфор за пролетниот дел од сезоната, а тоа е Вилфрид Канга (26) од Брегот на Слоновата Коска.

Станува збор за напаѓач на Херта кој е на позајмица во Кардиф. Тој треба да потпише тригодишен договор со Динамо.

Неговата вредност според „Трансфермаркт“ е околу 3,5 милиони евра, тој е класичен напаѓач, висок 189 сантиметри, а го опишуваат како силен и брз.

Целата зделка ќе го чини Динамо околу три милиони евра, откако Извршниот одбор на клубот даде зелено светло за реализиција на трансферот.

Очигледно Динамо сакаше да го донесе Канга на позајмица, но напаѓачот сакаше комплетен трансфер.

Работите не му одеа најдобро во Кардиф во есенскиот дел од сезоната. Одигра 15 натпревари, но само на почетокот беше во стартниот состав, а потоа доби мала минутажа.

Во текот на кариерата, покрај за Кардиф и Херта, играше и за Јанг Бојс, Стандард, Анже, Кајзериспор.

Голманот Едсон Лопез Гама почина пред неколку дена во Бразил, откако одбрани пенал со градите.

Необична и многу тажна сцена се случи во Бразил пред неколку дена кога 16-годишен голман почина откако одбрани пенал со гради.

На натпревар за аматерски тим за кој настапуваше во бразилската држава Амазонас, голманот Гама со градите го запре ударот од белата точка. По тој удар тој колабираше на теренот.

Иако му била укажана итна медицинска помош, младиот голман не преживеал.

Goleiro de 16 anos morre após levar bolada no peito em partida de futebol no AM

Em vídeo publicado nas redes sociais, é possível ver Edson Lopes Gama se preparando para defender um pênalti quando foi atingido por uma bolada no peito e caiu no chão. pic.twitter.com/9IpxTNNJco

— 98 FM Natal (@98FMNatal) January 10, 2025

На приложеното видео се гледа како младиот голман бил директно погоден во пределот помеѓу градната коска и дијафрагмата. Она што делумно го чинеше живот е патувањето до болницата во Манаус, кое траеше неверојатни 11 часа.

Младиот голман почина на 5-ти јануари. По тој повод се огласи и неговиот брат.

„Денес го допре цел Бразил. Никогаш не можев да замислам дека ова може да се случи. Беше посветен играч и дете кое никогаш не беше тажно, секогаш среќно. Брат, жал ни е што си отиде, но си замина правејќи го она што најмногу го сакаш, играјќи фудбал“.

На погребот на Едсон Лопез, семејството носеше дресови од бразилскиот тим Гремио, за кој младиот голман навиваше.

Црвена звезда доживеа пораз од Фенербахче со 91:96 во натпреварот од Евролигата во Белград. Натпреварот го одбележаа навредливите скандирања на домашните навивачи кон Кристофер Хил, американскиот амбасадор во Србија, кој е пред пензионирање и заминување од таа земја.

Навивачите на Црвена звезда скандираа „Косово е Србија“ и развија знаме со истиот натпис и упатија низа навреди кон Хил: „Делије, Делије, ајде сите да го кренеме гласот, амбасадорот Кристофер да ни го п..и к…т“, ечеше во Арената во Белград.

Амбасадорот поради навредите ја напушти Арената на полувремето.

„Телеграф“ додава дека навредите кон него не се единствената причина за ова. Според овој извор во еден момент дел од навивачите се упатиле кон лоѓата во која седел Хил.

Кристофер Хил често ги гледал натпреварите на Црвена звезда и Партизан, но ова очигледно му беше последен, бидејќи неговата кариера и мисијата во Србија завршуваат на 20 јануари.

Хил е познат американски дипломат. Во изминатите три години тој беше амбасадор на САД во Србија, а претходно беше на таа функција во Ирак, Јужна Кореја, Полска, Македонија и Албанија. Тој е еден од најодговорните за потпишувањето на Дејтонскиот мировен договор во 1995 година, со кој заврши војната во Босна и Херцеговина.