Свет
Пијана Ирка го плукнала пилотот на „Ер Индија“ зашто не ѝ дале алкохол
Видеото што стана многу споделувано на социјалните мрежи покажува патничка од ирско потекло која го навредува екипажот на летот на „Ер Индија“ за Лондон, наводно, затоа што не ѝ давале повеќе алкохол, пренесува „Спутник“.
„Пијаната жена предизвика ужасна сцена на меѓународниот лет на „Ер Индија“ кога екипажот одлучи да не ја послужува повеќе со алкохол. Таа беше снимена на видео тврдејќи дека е меѓународен адвокат и јасно се гледа дека го плука пилотот“, вели Амитаб Чудари.
Иако неклтурното однесување било сосема неоправдано и казниво, воздржаноста и смиреноста на екипажот изложен на ситуацијата е за пример.
„Ер Индија“ одби официјално да коментира или да го пофали екипажот за неговата професионалност. За жената се вели дека е уапсена набргу по слетувањето.
Видеата со несоодветното однесување на жената биле снимени од повеќе патници и се раширија на социјалните мрежи. Точниот редослед на настаните на летот останува нејасен бидејќи „Ер Индија“ не го коментира инцидентот.
Многу корисници на „Твитер“ побараа на патничката да ѝ биде забрането патувањето со авион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.