Македонија
„Анима мунди“ бара надлежните итно да преземат мерки и законски оневозможат злоупотреба на коњите како превозно средство
Од „Анима мунди“ преку соопштение ги повикаа надлежните институции (АХВ, МВР) и нивното раководство, како и градоначалниците итно да преземат мерки и законски оневозможат злоупотреба на коњите како превозно средство во урбани средини. Реакцијата на „Анима мунди“ доаѓа откако, како што соопштија тие, граѓани им испратиле фотографии на кои се гледа коњ во локва крв, кој, според нив, едвај крева глава и умира среде улица, удрен од автобус што превозува деца од ОУ „Вера Циривири“ на екскурзија.
Во соопштението на ‘Анима мунди’ се вели дека според информациите автобус удрил во запрежно возило кое буквално му влетало против сите сообраќајни прописи и стандарди, по што посочуваат дека вината не е во превозникот на автобусот кој сторил се што може да се заштитат патниците, вината велат е исклучиво во противзаконитата употреба на коњите во сообраќајот и институциите кои ова го толерираат.
„’Анима мунди’ изготвни и поднесе иницијатива за помош на коњите, со која дадовме конкретни применливи предлози за преземање конкретни чекори кои би воделе кон:
– Унапредување на благосостојбата на коњите,
– Зголемување на безбедноста на сите граѓани во сообраќајот и
– Олеснување на животот на граѓаните кои се најранливата и најмаргинализирана категорија граѓани во нашето општество.
Прашуваме кој ќе беше одговорен доколку оваа несреќа имаше и последици по човек, по децата? Или ќе се молчи и чека сè додека не се случи човечка несреќа?“, се вели во соопштението на „Анима мунди“.
Оттаму додаваат дека тие испратиле ветеринар кој се бори животното да преживее. Иако коњот е малтретиран, дошла полиција, тој повторно ќе заврши во рацете на оние кои го измачувале, велат од „Анима мунди“.
„Бараме: 1. идентификација на животните на територија на град Скопје и другите урбани општини, нивната психофизичка состојба и секако сопствениците на тие коњи, за што здружението нуди помош; законско регулирање на сопствеништвото на коњите. 2. Воведување законска забрана за движење на влачни коли со коњи во урбаните средини и брзи сообраќајници, директна интервенција во Законот за безбедност во сообраќајот на патиштата кој ја уредува ваквата пракса. 3. Итно одземање на коњите кои се болни, стари, изнемоштени и нивно згрижување на безбедна локација – наменски центар за рехабилитација, за што нудиме стручна и директна помош, како и во спроведување едукативни кампањи за хуманост и грижа кон животните со што ќе помогнеме во обезбедување дополнителни донации од државата и странство. 4. Ургентно воспоставување забрана за движење на влечни коли со коњи во урбани средини, во рамки на Одлуки за комунален ред на ЕЛС. 5. Обештетување на лицата кои го користеле коњот како превозно средство и начин на заработка/преживуваање, т.е. да им се овозможат начини да дојдат до средства за живот и превозно средство; да им се понуди решение и даде соодветно превозно средство со кое ќе продолжат да ја вршат нивната работа – кое ќе им помогне безбедно и непречено да се движат во сообраќајот“, стои во соопштението на „Анима мунди“.
Од здружението велат дека иако очекувале оваа иницијатива да биде сериозно разгледана и да се пристапи кон итни законски измени, тоа не се случило и овој проблем само се игнорира и продлабочува, на сметка на животот на животните и безбедноста на граѓаните, стои во нивното соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Денеска сончево и топло, промена на времето со пороен дожд и грмежи од први мај
Управата за хидрометеоролошки работи информира дека времето денеска ќе биде сончево и релативно топло со мала до умерена локална облачност. Ќе дува слаб до умерен ветер претежно од североисточен правец. Минималната температура ќе биде во интервал од 3 до 10, а максималната ќе достигне од 21 до 27 степени Целзиусови.
Во Скопје ќе биде сончево и релативно топло со мала облачност и со слаб североисточен ветер. Минималната температура ќе се спушти до 8, а максималната ќе достигне до 26 степени, велат од УХМР.
Стабилното и суво време, сепак, нема да се задржи долго. Веќе од средината на следната седмица, повторно се очекува дожд.
Промената на времето ќе започне уште во среда, на први мај, кога во попладневните часови ќе има услови за локална појава на краткотраен пороен дожд и ретки грмежи. Поголема нестабилност со дожд и чести грмежи се очекува во четврток.
Македонија
Апасиев од Тетово: Под власта на учките од ДУИ, поддржани од корумпираната македонска елита, секое второ дете од Полог се раѓа во Швајцарија
,,Етнотрибализмот ни го сервираат како европска вредност. Ние создадовме општество на квоти, коешто ни донесе секое второ дете од Полог да се раѓа во Италија, во Швајцарија или надвор од Македонија“, вели претседателот на Левица, Димитар Апасиев.
„Првиот концепт кој што ни го нудат е концептот на дејтонизација. Либанизација на Македонија, бејрутизација на Скопје. Тоа е нивната агенда, спонзорирана од западните амбасади. Ни понудија модел на бинационален грабеж.
Ние сме единствена земја во светот со еден Парламент и две Влади. Но помина времето кога Македонецот беше инфериорен во сопствената држава. Левица е принципиелно против Бадентер и против Балансер“, истакна претседателот на Левица, Димитар Апасиев.
Македонија
Мицкоски: СДСМ и ДУИ имаа две сценарија, прво, тивок бојкот за претседателските избори, второ, Ахмети добил бел лист од Ковачевски да напише што сака
Државата ни ја одземаа. Народот изгуби контрола над системот, институциите се киднапирани од стотина души на ДУИ кои управуваат со се. Додека тие од СДСМ им се верни слуги во секој криминал и тендер. И навистина е лицемерно од ДУИ и СДСМ да велат дека носеле храбри одлуки што е храброст да продадеш име, устав, да проблематизираш историја, и повторно да бидеш пред портите на ЕУ. Затоа што и тие од ЕУ знаат дека криминалци владеат со државата, рече Христијан Мицкоски, претседател на ВМРО-ДПМНЕ на вчерашниот митинг во Кочани.
Мицкоски укажа дека од СДСМ и ДУИ се подготвени на се за да ги задржат фотелјите и привилегиите.
„Затоа излезот го бараат во двете сценарија. Првото е тивкиот бојкот за претседателсите избори кој го заговараат. Додека се удираат во гради дека ќе згазеле во вториот круг, всушност тие сакаат да одработуват на тивок бојкот и спласнување на атмосферата на изборите. Второто сценарио е она на Ковачвски кој ја дал најдарежливата понуда до Али Ахмети. Ахмети има добиено бел лист на хартија од Ковачевски на кој само треба да ги напише институциите и министерствата кои сака да ги добие“, кажа Мицкоски.
Мицкоски порача дека излезот од сето ова е масовна излезност на изборите, како и масовна и недвосмилена поддршка за ВМРО-ДПМНЕ која е единствената сила за промени.
„Таа поддршка ни е потребна и за да нема уцени, ниту притисоци. Да имаме сила за промени, а таа сила можете само вие да ја дадете, народот на Македонија. Во првиот круг тука победата беше убедлива. 8079 гласа на 3900 за поранешнот претседател Пендаровски. Сега поддршката нека биде уште поголема за да може да жолтиот картон од првиот круг да биде црвен. Имаме незавршена работа, која ќе се финализира со огромна победа на 8 мај“, изјави Мицкоски.
Мицкоски се обрати и до неопределените, како и оние кои гласаа за кандидатите кои не се дел од вториот круг.
„Цунамито не огромниот бран на промени е започнат. Приклучете се и бидете дел од оваа генерација која одучува за сопствената иднина. Има надеж и ние заедно ќе се избориме. Сите оние кои пак во првиот круг гласаа за некој од другите опозициски кандидати кои сега се надвор од трката за претседател. Дојдете и поддржете ја единствената и главната сила за промени Гордана Силјановска Давкова и ВМРО-ДПМНЕ. Да не се ситнат промените. Приклучете се таму каде што е огромното мнозинство кое ја носи новата надеж за иднината на државата“, кажа Мицкоски.
Мицкиски на крајот им порача на граѓаните. „Ова не е Македонија што ја сакаш и ја заслужуваш. Овие избори се последна шанса за спас. Ширете ја пораката на промените. Тоа не се промени за освети не се промени за поделби. Тоа се промени во кои надежта го победува стравот. Заедништвото ги победува поделбите“.